Koronavirýstyń órshýine toi kináli - Toǵjanov
"Koronavirýstyń taralýyn tejeitin is-sharalar toqtaǵan joq. Úkimet bul baǵyttaǵy jumysty jalǵastyrady. Indettiń keńinen taralýyna keibir azamattardyń karantin talaptaryn saqtamaýy jáne dáriger keńesine qulaq aspaýy sebep boldy.
Álemde KVI juqtyrǵandardyń sany 10 mln-nan asyp, qaitys bolǵandardyń sany 500 myńǵa jýyqtady. Soǵan qaramai bizdiń halyq qudalyq jasap, qyz uzatýda. Maska taǵýǵa arlanatyn azamattar da bar. Toi-tomalaqty jurt kózinen tasa astyrtyn ótkizetinder kóbeigen. Oǵan ózderińiz de kýásizder.
Sonyń saldarynan mundai basqosýlarda kem degende 20 adamǵa virýs juqqan, adam ólimi bolǵan oqiǵalar tirkeldi. Prezident aitqandai qazir toi qýalaityn emes, oi qýalaityn zaman. Bul indetti jeńýde jaýapkershilik barlyǵymyzǵa ortaq", – dedi Toǵjanov.
Onyń atap ótkenindei 5 shildeden bastap karantin kúshine enedi. Onyń talabyn buzǵan azamattarǵa 83 myń teńge, kásipkerlerge 600 myń teńgege deiin aiyppul salynady.
