Koronavirýstan qaitys bolǵan adamdy jerleý algoritmi qalalyq Koronavirýspen kúresti úilestirý shtabyna usynylyp, bekitilgenin Almatynyń bas sanitar dárigeri alǵa tartty. Onyń tártibi boiynsha marqumnyń jerleýge qatysatyn týystaryna, jalpy jamaǵatqa juqtyrmaý basty nazarda bolady.
– Bizde algoritm bekitilgen. Ol qolymyzda bar. Asa qaýipti infektsiiamen aýyryp qaitys bolǵandarǵa qatysty krematsiia jasalýy kerek. Biraq ol bizdiń elde joq. Ólikti soiý protsedýrasy jasalmaidy. Dezinfektsiiadan soń, jerleitin arnaiy poligonǵa aparyp jerleý jaǵdailary jazylǵan algoritm qolymyzda tur.
Adamnyń janazasy zirattyń basynda shyǵarylady, jerleitin arnaiy top qurylyp, olarǵa arnaiy qorǵaý kiimderi berilip, belgili juqpaly aýrýdyń aldyn alý erejelerin saqtai otyryp, iske asyrylady. Jerleý rásimine epidemiolog dárigerler qatysyp, basqarady. Jerleý bitkesin jerleý toby meditsinalyq baqylaýǵa alynyp, tekseriledi, – dedi Almatynyń bas sanitar dárigeri.
