كوروناۆيرۋستان قايتىس بولعان ادامدى جەرلەۋ الگوريتمٸ قالالىق كوروناۆيرۋسپەن كٷرەستٸ ٷيلەستٸرۋ شتابىنا ۇسىنىلىپ, بەكٸتٸلگەنٸن الماتىنىڭ باس سانيتار دەرٸگەرٸ العا تارتتى. ونىڭ تەرتٸبٸ بويىنشا مارقۇمنىڭ جەرلەۋگە قاتىساتىن تۋىستارىنا, جالپى جاماعاتقا جۇقتىرماۋ باستى نازاردا بولادى.
– بٸزدە الگوريتم بەكٸتٸلگەن. ول قولىمىزدا بار. اسا قاۋٸپتٸ ينفەكتسييامەن اۋىرىپ قايتىس بولعاندارعا قاتىستى كرەماتسييا جاسالۋى كەرەك. بٸراق ول بٸزدٸڭ ەلدە جوق. ٶلٸكتٸ سويۋ پروتسەدۋراسى جاسالمايدى. دەزينفەكتسييادان سوڭ, جەرلەيتٸن ارنايى پوليگونعا اپارىپ جەرلەۋ جاعدايلارى جازىلعان الگوريتم قولىمىزدا تۇر.
ادامنىڭ جانازاسى زيراتتىڭ باسىندا شىعارىلادى, جەرلەيتٸن ارنايى توپ قۇرىلىپ, ولارعا ارنايى قورعاۋ كيٸمدەرٸ بەرٸلٸپ, بەلگٸلٸ جۇقپالى اۋرۋدىڭ الدىن الۋ ەرەجەلەرٸن ساقتاي وتىرىپ, ٸسكە اسىرىلادى. جەرلەۋ رەسٸمٸنە ەپيدەميولوگ دەرٸگەرلەر قاتىسىپ, باسقارادى. جەرلەۋ بٸتكەسٸن جەرلەۋ توبى مەديتسينالىق باقىلاۋعا الىنىپ, تەكسەرٸلەدٸ, – دەدٸ الماتىنىڭ باس سانيتار دەرٸگەرٸ.
