Eńbek jáne halyqty áleýmettik qorǵaý ministrligi Koreia Respýblikasynda zańsyz eńbek etip júrgen qazaqstandyqtar 2026 jylǵy aqpan aiynyń sońyna deiin aiyppul salynbai, qaita kirýge tyiym salynbai, elden erikti túrde shyǵa alatynyn eske saldy, dep habarlaidy Dalanews.kz.
Baǵdarlama qylmys jasaǵan, májbúrlep shyǵarý sharasyna jatatyn, sondai-aq, 2025 jylǵy 1 jeltoqsannan keiin zańsyz mártebege túsken sheteldikterge qoldanylmaidy.
"Baǵdarlamaǵa qatysý úshin tólqujat, óz erkimen ketý týraly ótinish jáne áýe bileti qajet. Aldyn ala habarlama Koreia Respýblikasynyń immigratsiia keńseleri arqyly ushý kúnine deiin 15-ten 3 kúnge deiingi merzimde beriledi", - dep jazylǵan habarlamada.
Ministrlik qazaqstandyqtardy shetelde tek zańdy negizde jumysqa ornalasýǵa shaqyrdy. Bul zańsyz kóshi-qon, elden shyǵaryp jiberý, aiyppuldar, quqyqtyq shekteýler jáne eńbek qanaýy siiaqty qaýiptiń aldyn alýǵa múmkindik beredi.
Eske salaiyq, byltyr Qazaqstannyń Eńbek ministrligi men Koreianyń Ádilet ministrligi erikti túrde qonys aýdarý baǵdarlamasynyń merzimderin keńeitý jóninde kelisimge keldi.
