Ońtústik Koreiadaǵy Mýan áýejaiynda Jeju Air jolaýshylar ushaǵynyń apatqa ushyraýynan qaitys bolǵandar sany 85 adamǵa deiin ósti, - dep habarlaidy Dalanews.kz Yonhap News-ke siltep.
Agenttik málimetinshe, ushaq apatynan 85 adam qaza tapqan jáne jaqyn arada qurban bolǵandar sany kúrt ósýi múmkin. Ázirge eki adam qutqarylǵany habarlandy: bir ekipaj múshesi jáne bir jolaýshy.
Qutqarylǵan eki adamnan basqa ushaqta bolǵan barlyq adam qaitys boldy degen nusqa da joqqa shyǵarylmaidy.
Bangkoktan oralǵan Jeju Air áýekompaniiasynyń bortynda barlyǵy 181 adam boldy, onyń ishinde alty ekipaj múshesi bar. Jolaýshylardyń kópshiligi Koreia azamattary boldy. Tailandtyń eki azamaty bar.
Jergilikti telearnalar kórsetken videoda ushaq bosatylǵan shassisiz qonýǵa tyrysyp jatqanyn kórýge bolady. Ushaq jerge syrǵyp, beton qabyrǵaǵa soǵylyp, jarylǵan, sodan keiin ony jalyn sharpydy.
Ushaq jarylystan tolyǵymen derlik joiyldy. Apat ornyna 80-ge jýyq órt sóndirýshi jiberildi. Izdeý-qutqarý jumystary júrgizilip jatyr.
Qazaqstannyń SIM resmi ókili Aibek Smadiiarovtyń sózinshe, aldyn ala málimetter boiynsha ushaq bortynda qazaqstandyqtar bolǵan joq.
"Jergilikti biliktiń aldyn ala derekteri boiynsha Ońtústik Koreiada apatqa ushyraǵan ushaq jolaýshylary arasynda Qazaqstan azamattary bolǵan joq", - dep jazylǵan habarlamada.
Aita keteiik, Jeju Air áýekompaniiasynyń ushaǵy ushý-qoný jolaǵynda ushpai, Mýan halyqaralyq áýejaiyna qonǵan kezde qorshaýǵa soǵylǵan. Áýe apaty tańǵy 9:07-de (Astana ýaqyty boiynsha 5:07) boldy.
