Oljas Bektenov pen Koreia prezidenti Iýn Sok Iol birlesken qazaq-korei jobalaryn iske asyrý máselelerin talqylady.
Astanada Koreia Respýblikasynyń Prezidenti Iýn Sok Iol memlekettik sapary aiasynda Qazaqstan Premer-Ministri Oljas Bektenovpen kezdesý ótkizdi.Memleket basshysy Qasym-Jomart Toqaev pen Koreia Prezidenti Iýn Sok Ioldiń kelissózderi barysynda qol jetkizilgen ýaǵdalastyqtardy odan ári iske asyrý máseleleri talqylandy. Saýda-ekonomikalyq yntymaqtastyqty keńeitýge, ónerkásip, energetika, aviatsiia jáne basqa da salalardaǵy ózara is-qimyldy kúsheitýge nazar aýdaryldy.
«Qazaqstan saýda-ekonomikalyq áriptestikti damytýda úlken perspektivalardy kórip otyr. Ekijaqty yntymaqtastyqtyń serpindi damýyn qamtamasyz etý maqsatynda Úkimet joǵary deńgeide qol jetkizilgen barlyq ýaǵdalastyqty júzege asyrýǵa birden kirisýge daiyn», — dep atap ótti Oljas Bektenov.
Qazaqstan energetika, sirek kezdesetin jer metaldaryn igerý jáne qaita óńdeý, infraqurylym, avtomobilder men olardyń komponentterin óndirý, sý resýrstaryn tiimdi paidalaný, qarjy jáne basqa da perspektivaly salalarda birlesken jobalardy iske asyrýǵa múddeli.
Óńdeý sektoryn damytý — Memleket basshysynyń ekonomikany ártaraptandyrý jónindegi tapsyrmasyn oryndaý maqsatyndaǵy Qazaqstan Úkimeti jumysynyń basym baǵyttarynyń biri. Búgingi tańda korei kompaniialarynyń qazaqstandyq mashina jasaýdy damytýǵa investitsiia salýynyń joǵary kórsetkishine qol jetkizildi. Elimizde avtomobil klasterleri qurylýda, quramdas bólshekter óndirisin retke keltirý josparlanýda. Mysaly, Almatyda Hyundai markaly avtomobilderdi shaǵyn toraptyq qurastyrý, Qostanai oblysynda KIA brendi avtomobilderiniń óndirisi, Semei qalasynda Daewoo Bus Global avtobýstarynyń birlesken óndirisi jolǵa qoiylǵan. Jaqyn arada koreialyq kompaniialar Qazaqstanda avtomobilderge arnalǵan oryndyqtar men mýltimedia shyǵara bastaidy.
Taiaýda qol qoiylǵan kelisimderdi eskere otyryp, koreialyq kompaniialardyń qatysýyn odan ári keńeitý jáne iri korporatsiialardyń óndirisin lokalizatsiialaý úshin jańa perspektivalar ashylýda. Qazaqstannyń Ońtústik Koreia tehnologiialaryn qoldana otyryp, elektrokarlarǵa arnalǵan akkýmýliatorlardy óndirýge qyzyǵýshylyǵy bar. Oljas Bektenov avtomobil ónerkásibindegi yntymaqtastyqty odan ári nyǵaitýǵa jáne koreialyq tarap elimizdiń avtomobil ónerkásibi úshin qazaqstandyq kadrlar daiarlaý isine kómektesýge múddeli ekenin atap ótti.
Sonymen qatar Qazaqstan men Koreia basym salalarda tehnologiialarmen almasýdy jáne jobalardy birlesip iske asyrýdy jandandyrýda. Qaldyqtardy suryptaý, qaita óńdeý jáne joiý salasynda qoqys óńdeý zaýytyn salý jobasy perspektivaly bolyp otyr. Metallýrgiia salasynda ferroqorytpalar óndirisin jolǵa qoiý kerek. Geologiia salasynda sirek kezdesetin jer metaldaryn birlesip óndirý jáne qaita óńdeý qajet, sondai-aq keiinnen ózara tiimdi sharttarda Koreiaǵa jetkiziletin joǵary óńdelgen ónimderdi Qazaqstanda shyǵarý salasynda yntymaqtastyq ornatý kózdelgen.
Sýtegi energetikasy da yntymaqtastyqtyń perspektivaly baǵyttarynyń birine ainalýy múmkin. Óz kezeginde, lift jabdyqtaryn óndirýdi lokalizatsiialaý qurylys nysandarynyń qaýipsizdigin arttyrady. Aviatsiiada mádeni-gýmanitarlyq bailanystar men iskerlik bailanystardy nyǵaitý maqsatynda jańa jolaýshylar áýe baǵyttaryn ashý máselesi pysyqtalady. Bul ótken jyly Qazaqstanǵa kelgen koreilik týrister sanynyń eki ese artýyna bailanysty qajet bolyp otyr.
