ولجاس بەكتەنوۆ پەن كورەيا پرەزيدەنتٸ يۋن سوك يول بٸرلەسكەن قازاق-كورەي جوبالارىن ٸسكە اسىرۋ مەسەلەلەرٸن تالقىلادى.
استانادا كورەيا رەسپۋبليكاسىنىڭ پرەزيدەنتٸ يۋن سوك يول مەملەكەتتٸك ساپارى اياسىندا قازاقستان پرەمەر-مينيسترٸ ولجاس بەكتەنوۆپەن كەزدەسۋ ٶتكٸزدٸ.مەملەكەت باسشىسى قاسىم-جومارت توقاەۆ پەن كورەيا پرەزيدەنتٸ يۋن سوك يولدٸڭ كەلٸسسٶزدەرٸ بارىسىندا قول جەتكٸزٸلگەن ۋاعدالاستىقتاردى ودان ەرٸ ٸسكە اسىرۋ مەسەلەلەرٸ تالقىلاندى. ساۋدا-ەكونوميكالىق ىنتىماقتاستىقتى كەڭەيتۋگە, ٶنەركەسٸپ, ەنەرگەتيكا, اۆياتسييا جەنە باسقا دا سالالارداعى ٶزارا ٸس-قيمىلدى كٷشەيتۋگە نازار اۋدارىلدى.
«قازاقستان ساۋدا-ەكونوميكالىق ەرٸپتەستٸكتٸ دامىتۋدا ٷلكەن پەرسپەكتيۆالاردى كٶرٸپ وتىر. ەكٸجاقتى ىنتىماقتاستىقتىڭ سەرپٸندٸ دامۋىن قامتاماسىز ەتۋ ماقساتىندا ٷكٸمەت جوعارى دەڭگەيدە قول جەتكٸزٸلگەن بارلىق ۋاعدالاستىقتى جٷزەگە اسىرۋعا بٸردەن كٸرٸسۋگە دايىن», — دەپ اتاپ ٶتتٸ ولجاس بەكتەنوۆ.
قازاقستان ەنەرگەتيكا, سيرەك كەزدەسەتٸن جەر مەتالدارىن يگەرۋ جەنە قايتا ٶڭدەۋ, ينفراقۇرىلىم, اۆتوموبيلدەر مەن ولاردىڭ كومپونەنتتەرٸن ٶندٸرۋ, سۋ رەسۋرستارىن تيٸمدٸ پايدالانۋ, قارجى جەنە باسقا دا پەرسپەكتيۆالى سالالاردا بٸرلەسكەن جوبالاردى ٸسكە اسىرۋعا مٷددەلٸ.
ٶڭدەۋ سەكتورىن دامىتۋ — مەملەكەت باسشىسىنىڭ ەكونوميكانى ەرتاراپتاندىرۋ جٶنٸندەگٸ تاپسىرماسىن ورىنداۋ ماقساتىنداعى قازاقستان ٷكٸمەتٸ جۇمىسىنىڭ باسىم باعىتتارىنىڭ بٸرٸ. بٷگٸنگٸ تاڭدا كورەي كومپانييالارىنىڭ قازاقستاندىق ماشينا جاساۋدى دامىتۋعا ينۆەستيتسييا سالۋىنىڭ جوعارى كٶرسەتكٸشٸنە قول جەتكٸزٸلدٸ. ەلٸمٸزدە اۆتوموبيل كلاستەرلەرٸ قۇرىلۋدا, قۇرامداس بٶلشەكتەر ٶندٸرٸسٸن رەتكە كەلتٸرۋ جوسپارلانۋدا. مىسالى, الماتىدا Hyundai ماركالى اۆتوموبيلدەردٸ شاعىن توراپتىق قۇراستىرۋ, قوستاناي وبلىسىندا KIA برەندٸ اۆتوموبيلدەرٸنٸڭ ٶندٸرٸسٸ, سەمەي قالاسىندا Daewoo Bus Global اۆتوبۋستارىنىڭ بٸرلەسكەن ٶندٸرٸسٸ جولعا قويىلعان. جاقىن ارادا كورەيالىق كومپانييالار قازاقستاندا اۆتوموبيلدەرگە ارنالعان ورىندىقتار مەن مۋلتيمەديا شىعارا باستايدى.
تاياۋدا قول قويىلعان كەلٸسٸمدەردٸ ەسكەرە وتىرىپ, كورەيالىق كومپانييالاردىڭ قاتىسۋىن ودان ەرٸ كەڭەيتۋ جەنە ٸرٸ كورپوراتسييالاردىڭ ٶندٸرٸسٸن لوكاليزاتسييالاۋ ٷشٸن جاڭا پەرسپەكتيۆالار اشىلۋدا. قازاقستاننىڭ وڭتٷستٸك كورەيا تەحنولوگييالارىن قولدانا وتىرىپ, ەلەكتروكارلارعا ارنالعان اككۋمۋلياتورلاردى ٶندٸرۋگە قىزىعۋشىلىعى بار. ولجاس بەكتەنوۆ اۆتوموبيل ٶنەركەسٸبٸندەگٸ ىنتىماقتاستىقتى ودان ەرٸ نىعايتۋعا جەنە كورەيالىق تاراپ ەلٸمٸزدٸڭ اۆتوموبيل ٶنەركەسٸبٸ ٷشٸن قازاقستاندىق كادرلار دايارلاۋ ٸسٸنە كٶمەكتەسۋگە مٷددەلٸ ەكەنٸن اتاپ ٶتتٸ.
سونىمەن قاتار قازاقستان مەن كورەيا باسىم سالالاردا تەحنولوگييالارمەن الماسۋدى جەنە جوبالاردى بٸرلەسٸپ ٸسكە اسىرۋدى جانداندىرۋدا. قالدىقتاردى سۇرىپتاۋ, قايتا ٶڭدەۋ جەنە جويۋ سالاسىندا قوقىس ٶڭدەۋ زاۋىتىن سالۋ جوباسى پەرسپەكتيۆالى بولىپ وتىر. مەتاللۋرگييا سالاسىندا فەرروقورىتپالار ٶندٸرٸسٸن جولعا قويۋ كەرەك. گەولوگييا سالاسىندا سيرەك كەزدەسەتٸن جەر مەتالدارىن بٸرلەسٸپ ٶندٸرۋ جەنە قايتا ٶڭدەۋ قاجەت, سونداي-اق كەيٸننەن ٶزارا تيٸمدٸ شارتتاردا كورەياعا جەتكٸزٸلەتٸن جوعارى ٶڭدەلگەن ٶنٸمدەردٸ قازاقستاندا شىعارۋ سالاسىندا ىنتىماقتاستىق ورناتۋ كٶزدەلگەن.
سۋتەگٸ ەنەرگەتيكاسى دا ىنتىماقتاستىقتىڭ پەرسپەكتيۆالى باعىتتارىنىڭ بٸرٸنە اينالۋى مٷمكٸن. ٶز كەزەگٸندە, ليفت جابدىقتارىن ٶندٸرۋدٸ لوكاليزاتسييالاۋ قۇرىلىس نىساندارىنىڭ قاۋٸپسٸزدٸگٸن ارتتىرادى. اۆياتسييادا مەدەني-گۋمانيتارلىق بايلانىستار مەن ٸسكەرلٸك بايلانىستاردى نىعايتۋ ماقساتىندا جاڭا جولاۋشىلار ەۋە باعىتتارىن اشۋ مەسەلەسٸ پىسىقتالادى. بۇل ٶتكەن جىلى قازاقستانعا كەلگەن كورەيلٸك تۋريستەر سانىنىڭ ەكٸ ەسە ارتۋىنا بايلانىستى قاجەت بولىپ وتىر.
