Qazaqstandyqtar nesiege taýar alýdy azaitqan. Bul rette eldegi saýda kólemi ósip jatqanymen, onyń qarqyny baiaýlaǵan, dep habarlaidy Qazaqstan Respýblikasynyń Strategiialyq josparlaý jáne reformalar agenttigi Ulttyq statistika biýrosy, dep habarlaidy dalanews.kz.
Vedomstvo málimetinshe, 2026 jyldyń qańtar-sáýir ailaryndaǵy saýdanyń naqty kólem indeksi 105,1%-dy quraǵan. Ótken jyldyń osy kezeńinde bul kórsetkish 107,0% bolǵan.
Baiaýlaý ásirese bólshek saýda salasynda aiqyn baiqalady. Biyl kórsetkish 103,4%-ǵa deiin tómendegen. Bir jyl buryn ol 106,1% bolǵan. Al kóterme saýda salystyrmaly túrde turaqty saqtalyp otyr: 105,9%. Ótken jyly bul kórsetkish 107,4% bolǵan.
Bólshek saýda qurylymynda azyq-túlik taýarlaryn satý 10,5%-ǵa ósken. Al azyq-túlikke jatpaityn taýarlar nebári 0,6%-ǵa ǵana artqan.
Sarapshylardyń aitýynsha, bul halyqtyń kúndelikti qajetti zattarǵa kóbirek aqsha jumsai bastaǵanyn kórsetedi. Al tehnika, jihaz jáne kiim-keshek sekildi iri satyp alýlarǵa suranys aitarlyqtai baiaýlaǵan.
