Túrkistan oblysy, Ordabasy aýdanyndaǵy Kókaral aýylynyń turǵyndary tabiǵi gazǵa qosyldy. Aimaq basshysy Darhan Satybaldy turǵyndardyń qýanyshyn bólisýge Tórtkúl aýyl okrýgine qarasty Kókaral aýylyna arnaiy baryp, tabiǵi gaz berý rásimine qatysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Turǵyndardy aitýly sátpen quttyqtap, aýyldy kórkeitýge úles qosýǵa shaqyrdy. Aýyldardy jandandyryp, jergilikti halyqtyń jaqsy ómir súrýine qolaily jaǵdai jasaý baǵytyndaǵy ister Memleket basshysy Qasym-Jomart Toqaevtyń bastamasymen júzege asyp jatqanyn tilge tiek etti. Aýyl aqsaqaldary infraqurylymdy jaqsartyp, turǵyndarǵa «kógildir otyn» igiligin tartý etken memleketke, óńir basshysyna alǵysyn jetkizdi.
Endi aýyldaǵy 120-ǵa jýyq abonent ortalyqtandyrylǵan tabiǵi gazǵa qosylyp, 730-ǵa jýyq turǵyn «kógildir otynnyń» rahatyn kóredi. Gazdandyrý jumysy kezeń-kezeńimen jalǵaspaq.
Ordabasy aýdandyq «Turǵyn úi kommýnaldyq sharýashylyq, jolaýshylar kóligi, avtomobil joldary jáne turǵyn úi inspektsiiasy bólimi» MM tapsyrysymen júzege asyrylǵan jobanyń quny – 140,3 mln teńge. Qurylys jumystaryn «Monalit Dizain-2030» JShS 2021 jyly bastap, biyl paidalanýǵa tapsyryp otyr. Jalpy qubyr uzyndyǵy – 8,1 shaqyrym.
Aita keteiik, Túrkistan oblysynda byltyr 111 myńnan astam halyq gazben qamtyldy. Bul elimizdegi eń joǵary kórsetkish. Iaǵni gazben qamtylǵan árbir 3-shi aýyl Túrkistan óńirinde ornalasqan. Tabiǵi gazben 510 eldi meken qamtylyp, jalpy qamtý deńgeii 63% quraidy (1,7 mln. adam nemese 81,6%). Eki jylda 91 eldi meken (2023 jyly – 44, 2024 jyly – 47) tabiǵi gazǵa qosyldy. Júieli jumystardyń nátijesinde, jyl qorytyndysymen gazben qamtylǵan eldi mekenderdiń jalpy sany 557-ge artyp, qamtý deńgeii 69%-ǵa jetetin bolady (1,8 mln. adam nemese 84,9%).
