تٷركٸستان وبلىسى, ورداباسى اۋدانىنداعى كٶكارال اۋىلىنىڭ تۇرعىندارى تابيعي گازعا قوسىلدى. ايماق باسشىسى دارحان ساتىبالدى تۇرعىنداردىڭ قۋانىشىن بٶلٸسۋگە تٶرتكٷل اۋىل وكرۋگٸنە قاراستى كٶكارال اۋىلىنا ارنايى بارىپ, تابيعي گاز بەرۋ رەسٸمٸنە قاتىستى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
تۇرعىنداردى ايتۋلى سەتپەن قۇتتىقتاپ, اۋىلدى كٶركەيتۋگە ٷلەس قوسۋعا شاقىردى. اۋىلداردى جانداندىرىپ, جەرگٸلٸكتٸ حالىقتىڭ جاقسى ٶمٸر سٷرۋٸنە قولايلى جاعداي جاساۋ باعىتىنداعى ٸستەر مەملەكەت باسشىسى قاسىم-جومارت توقاەۆتىڭ باستاماسىمەن جٷزەگە اسىپ جاتقانىن تٸلگە تيەك ەتتٸ. اۋىل اقساقالدارى ينفراقۇرىلىمدى جاقسارتىپ, تۇرعىندارعا «كٶگٸلدٸر وتىن» يگٸلٸگٸن تارتۋ ەتكەن مەملەكەتكە, ٶڭٸر باسشىسىنا العىسىن جەتكٸزدٸ.
ەندٸ اۋىلداعى 120-عا جۋىق ابونەنت ورتالىقتاندىرىلعان تابيعي گازعا قوسىلىپ, 730-عا جۋىق تۇرعىن «كٶگٸلدٸر وتىننىڭ» راحاتىن كٶرەدٸ. گازداندىرۋ جۇمىسى كەزەڭ-كەزەڭٸمەن جالعاسپاق.
ورداباسى اۋداندىق «تۇرعىن ٷي كوممۋنالدىق شارۋاشىلىق, جولاۋشىلار كٶلٸگٸ, اۆتوموبيل جولدارى جەنە تۇرعىن ٷي ينسپەكتسيياسى بٶلٸمٸ» مم تاپسىرىسىمەن جٷزەگە اسىرىلعان جوبانىڭ قۇنى – 140,3 ملن تەڭگە. قۇرىلىس جۇمىستارىن «موناليت ديزاين-2030» جشس 2021 جىلى باستاپ, بيىل پايدالانۋعا تاپسىرىپ وتىر. جالپى قۇبىر ۇزىندىعى – 8,1 شاقىرىم.
ايتا كەتەيٸك, تٷركٸستان وبلىسىندا بىلتىر 111 مىڭنان استام حالىق گازبەن قامتىلدى. بۇل ەلٸمٸزدەگٸ ەڭ جوعارى كٶرسەتكٸش. ياعني گازبەن قامتىلعان ەربٸر 3-شٸ اۋىل تٷركٸستان ٶڭٸرٸندە ورنالاسقان. تابيعي گازبەن 510 ەلدٸ مەكەن قامتىلىپ, جالپى قامتۋ دەڭگەيٸ 63% قۇرايدى (1,7 ملن. ادام نەمەسە 81,6%). ەكٸ جىلدا 91 ەلدٸ مەكەن (2023 جىلى – 44, 2024 جىلى – 47) تابيعي گازعا قوسىلدى. جٷيەلٸ جۇمىستاردىڭ نەتيجەسٸندە, جىل قورىتىندىسىمەن گازبەن قامتىلعان ەلدٸ مەكەندەردٸڭ جالپى سانى 557-گە ارتىپ, قامتۋ دەڭگەيٸ 69%-عا جەتەتٸن بولادى (1,8 ملن. ادام نەمەسە 84,9%).
