Quny 12 mln. teńgelik úidiń kólemi 120 sharshy metrdi quraidy. Segiz balaly ananyń jai-kúiimen tanysqan aýdandyq «Jastar resýrstyq ortalyǵynyń» qyzmetkerleri qurylys jumystaryn uiymdastyryp, demeýshiler izdep, izgi istiń basy – qasynda júrdi. Turǵyn úi zamanaýi úlgide tolyq árlengen.
Kópbalaly ananyń qýanyshymen bólisýge aýdan ákimi Tólegen Telǵaraev arnaiy baryp, demeýshilik jasaǵan azamattarǵa alǵysyn jetkizdi.
– Bul jumystar Elbasymyz Nursultan Nazarbaevtyń «Bolashaqqa baǵdar: rýhani jańǵyrý» maqalasyn iske asyrý maqsatynda ári azamattardyń boiynda otanǵa degen jaýapkershilik sezimin jáne áleýmettik belsendiligin arttyrý úshin uiymdastyrylyp otyr. Elimizde jylaǵandy jubatatyn, súringenge qol ushyn beretin jany jomart, qaiyrymdy azamattarymyzdyń osyndai saýapty isteri kóp bola bersin, – degen aýdan basshysy qýanysh ielerine gaz plitasyn tartý etti.
Jastardyń igi bastamasyna aýdandyq ardagerler keńesiniń tóraǵasy Átirhan Shyńǵysbaev alǵysyn aityp, batasyn berdi. Qonys toi iesi Madina Nabieva baspana salyp bergen demeýshilerge rizashylyǵyn bildirdi. Aita keterligi, Madinanyń ómirlik jary ómirden ótken soń segiz balany jalǵyz ózi tárbieleýde. Kópbalaly ana osy ýaqytqa deiin aýyldaǵy tozyǵy jetken úidi panalap kelgen bolatyn.
