BQO Politsiia departamenti jáne “Oral” sport klýbynyń uiymdastyrýymen 30 tamyz Qazaqstan Respýblikasynyń Konstitýtsiia kúnine orai arqan tartys jáne gir sportynan BQO Politsiia departamenti jáne kúshtik qurylymdar arasynda týrnir ótti, – dep habarlaidy Dalanews.kz BQO ákiminiń baspasóz qyzmetine silteme jasap.
Týrnirdiń ashylý saltanatyna BQO politsiia departamenti Arnaiy jáne jedel jumyldyrý daiarlyǵy basqarmasynyń bastyǵy politsiia polkovnigi Ázilhan Qaiyrhanov, Oral qalasynyń dene shynyqtyrý jáne sport bóliminiń basshysy Armat Isanov, BQO Dinamo dene shynyqtyrý jáne sport qoǵamdastyǵy tóraǵasynyń orynbasary Pavel Stavkin, “Oral” sport klýbynyń direktory Orynbasar Gilymov, 99250 áskeri bóliminiń aýmaqtyq qorǵanys batalon komandiri, podpolkovnik Nurlan Sýleimenov, Jaýyngerlik sambodan halyqaralyq dárejedegi sport sheberi, Aziia chempiony Serik Qartabaev, Batys óńirlik qolbasshylyǵynyń dene daiyndyǵy jáne sport bastyǵy, polkovnik Baqtiiar Qaldybekov qatysty.
Quttyqtaý sóz alǵan qonaqtar 30 tamyz QR Konstitýtsiiasy kúnimen quttyqtap, elimizdiń tynyshtyǵy úshin eńbek etip júrgen azamattarǵa sáttilik tiledi.
Jarysqa 7 komanda qatysyp, baq synasty:
- BQO Politsiia departamenti qurama komandasy
- BQO boiynsha atqarý júiesi departamentiniń qurama komandasy
- Mamandandyrylǵan kúzet qyzmeti basqarmasynyń qurama komandasy
- Tótenshe jaǵdailar departamenti qurama komandasy
- 5517 áskeri bóliminiń qurama komandasy
- 5515 “Búrkit” jasaǵy
- 99250 áskeri bólimniń qurama komandasy
BQO Politsiia departamenti qyzmetkerlerinen quralǵan komanda arqan tartys oiynynan bas júldege ie boldy.
Gir tasyn kóterý sport túrinen uiymdastyrylǵan týrnirde 70 salmaq dárejesinde 3 oryn, 80 salmaq dárejesinen 2 oryn jáne + 90 salmaq dárejesinde 2 oryndy ielendi.
Barlyq jeńimpazdar men júldegerler “Oral” sport klýbynyń atynan kýbok, diplom, medaldarmen marapattaldy.
Jarysqa qatysyp, júlderi oryn alǵan sportshylarmyzdy shyn júrekten quttyqtaimyz.
BQO PD baspasóz qyzmeti
