Konstıtýsıalyq komısıada 130 kásibı maman jumys istep jatyr, dep habarlaıdy Dalanews.kz.
Bul týraly Konstıtýsıalyq reformalar jónindegi komısıanyń kezekti otyrysynda Parlament Májilisiniń depýtaty Murat Ábenov málimdedi.
Onyń aıtýynsha, qazirgi kezeń jahandyq ózgeristermen sıpattalady, sondyqtan qoǵamnyń damýyna serpin beretin zamanaýı Konstıtýsıanyń róli aıryqsha.
«Komısıa quramyna qatysty ártúrli pikirler aıtylyp jatqanyn bilemiz. Degenmen qazirgi quramnyń kásibı deńgeıi óte joǵary. Bul joly komısıa jumysyna 130 bilikti maman tartylǵan. Olar el múddesin basshylyqqa alyp, ashyq formatta birlesip eńbek etýde. Mamandardyń qatarynda 25 tájirıbeli zańger bar, olardyń basym bóligi – zań salasyndaǵy tanymal ǵalymdar», – dedi depýtat.
