كونستيتۋسيالىق كوميسسيادا 130 كاسىبي مامان جۇمىس ىستەپ جاتىر، دەپ حابارلايدى Dalanews.kz.
بۇل تۋرالى كونستيتۋسيالىق رەفورمالار جونىندەگى كوميسسيانىڭ كەزەكتى وتىرىسىندا پارلامەنت ءماجىلىسىنىڭ دەپۋتاتى مۇرات ابەنوۆ مالىمدەدى.
ونىڭ ايتۋىنشا، قازىرگى كەزەڭ جاھاندىق وزگەرىستەرمەن سيپاتتالادى، سوندىقتان قوعامنىڭ دامۋىنا سەرپىن بەرەتىن زاماناۋي كونستيتۋسيانىڭ ءرولى ايرىقشا.
«كوميسسيا قۇرامىنا قاتىستى ءارتۇرلى پىكىرلەر ايتىلىپ جاتقانىن بىلەمىز. دەگەنمەن قازىرگى قۇرامنىڭ كاسىبي دەڭگەيى وتە جوعارى. بۇل جولى كوميسسيا جۇمىسىنا 130 بىلىكتى مامان تارتىلعان. ولار ەل مۇددەسىن باسشىلىققا الىپ، اشىق فورماتتا بىرلەسىپ ەڭبەك ەتۋدە. مامانداردىڭ قاتارىندا 25 تاجىريبەلى زاڭگەر بار، ولاردىڭ باسىم بولىگى – زاڭ سالاسىنداعى تانىمال عالىمدار»، – دەدى دەپۋتات.
