Aýqymdy konstitýtsiialyq reforma Qazaqstannyń joǵary zań shyǵarýshy organynyń qurylymyn ózgertti, dep habarlaidy Dala News «Moi gorod» portalyna silteme jasap.
Bir palataly parlamentke kóshý biýrokratiialyq kedergilerdi joiýǵa, qoǵam úshin mańyzdy zańdardy qabyldaý úderisin jedeldetýge jáne memleket pen azamattyq qoǵam arasyndaǵy bailanysty nyǵaitýǵa baǵyttalǵan.
Qazaqstannyń eki palataly parlamentten bir palataly júiege kóshýi álemdegi bolyp jatqan ózgeristerge der kezinde berilgen jaýap boldy. QazITÝ professory, tsifrlandyrý jónindegi prorektor, Resei jaratylystaný ǵylymdary akademiiasynyń sheteldik múshesi Janar Dýskazieva atap ótkendei, buryn zań jobasyn Májilis pen Senattan ótkizý birneshe aiǵa sozylatyn.
«Buǵan deiin zań jobasy barlyq instantsiiadan ótkenshe moraldyq turǵydan eskirip úlgeretin. Oǵan túzetýler engizip, qujatty qaita pysyqtaýǵa jiberýge týra keletin. Qazirgi ómir qarqyny jaǵdaiynda mundai sozbalańǵa jol berýge bolmaidy. Endi biýrokratiialyq kedergilerdiń qysqarýynyń arqasynda sheshimder áldeqaida jyldam qabyldanyp, birden qoǵamnyń kúndelikti ómirine engiziledi», – dep túsindirdi Janar Dýskazieva.
Onyń aitýynsha, biliktiń jańa arhitektýrasynda ár organnyń róli naqty bólingen. Prezident memlekettiń strategiialyq damý baǵytyn aiqyndap, tsifrlyq transformatsiia nemese ekonomikalyq reformalar sekildi negizgi vektorlardy belgileidi.
Al jańartylǵan parlament osy strategiia negizinde tikelei zań shyǵarýmen ainalysady. Sarapshylardyń pikirinshe, Úkimet Quryltai qabyldaǵan sheshimderdi zańǵa súiene otyryp oryndaýǵa tiis.
Reformanyń mańyzdy erekshelikteriniń biri – qoǵamnyń rólin kúsheitý. Qazaqstan Halyq keńesin qurý, úkimettik emes uiymdar men qoǵamdyq keńesterdiń zańdardy ázirleý úderisine belsendi qatysýy halyqtyń usynystary men pikirin eskerýge múmkindik beredi.
«Buryn bilik sheshimderdi óz betinshe qabyldaityn, al qoǵam úderistiń syrtynda qalatyn alshaqtyq boldy. Búginde azamattyq qoǵam institýttary naqty yqpal etý tetikterine ie boldy. Bul memlekettik basqarýdy ashyq ári halyqtyń múddesine baǵyttalǵan júiege ainaldyrady», – dep túiindedi sarapshy.
Jańa model sheshim qabyldaýdyń jedeldigin azamattardyń múddesin jan-jaqty eskerýmen ushtastyrýǵa baǵyttalǵan. Bul eldiń quqyqtyq keńistik aiasyndaǵy úilesimdi damýyn qamtamasyz etýge tiis.
