Konferentsiia ózegi – «qazaqstandyq damý joly»
Aitýly sharaǵa memleket jáne qoǵam qairatkerleri, QR Senaty men Májilis depýtattary, Almaty qalasy ákimdiginiń jáne qoǵamdyq uiymdardyń ókilderi, tarihshy ǵalymdar men sarapshylar qatysty.
Konferentsiianyń ashylýynda QR Parlamenti Senatynyń tóraǵasy Máýlen Áshimbaevtyń quttyqtaý hatyn QR Parlamenti Senatynyń áleýmettik-mádeni damý jáne ǵylym komitetiniń tóraǵasy Murat Baqtiiaruly oqydy. Hatta: «Táýelsizdigimizdiń 30 jyldyǵyna bailanysty is-sharalar halyqqa rýhani serpilis ákelýi qajet. Bul tarihi datanyń máni men mańyzyn halyqqa túsindirý, ashyp kórsetý óte mańyzdy. Osy turǵydan alǵanda «Qazaq eliniń jańa dáýiri» atty halyqaralyq ǵylymi-praktikalyq konferentsiianyń bereri mol», – delingen.
Sonymen qatar QR Parlamenti Májilisiniń tóraǵasy Nurlan Nyǵmatýlinniń, Bilim jáne ǵylym ministri Ashat Aimaǵambetovtiń jáne Almaty qalasynyń ákimi Baqytjan Saǵyntaevtyń quttyqtaý hattary oqyldy.
QR Parlamenti Májilisiniń tóraǵasy Nurlan Nyǵmatýlinniń konferentsiiaǵa qatysýshylarǵa joldaǵan hatynda: «Memleketimizdiń taǵdyry men bolashaǵy árbir Qazaq eli azamatynyń, ásirese bilimdi de talapty jastardyń qolynda. Ál-Farabi atyndaǵy QazUÝ osy jolda erekshe ról atqaryp otyr», – delingen.
Konferentsiia barysynda QR Parlamenti Májilisiniń depýtaty Juldyz Súleimenova onlain qosylyp, «Táýelsizdik tuǵyryn nyǵaitýda QazUÝ-dyń úlesi zor. Otandyq ǵylym, bilim salasynyń bilikti kadrlary egemen elimizdiń kemel keleshegin qalyptastyrýǵa eleýli úles qosyp keledi», – dedi.
Jiynǵa qatysýshylar Qazaqstannyń álemdik qaýymdastyqtaǵy alatyn orny men mańyzyn, syrtqy saiasi qatynastarynyń qalyptasý úderisi týraly keleli oilaryn ortaǵa saldy.
Konferentsiiada ult tarihyndaǵy mańyzdy oqiǵalarǵa sholý jasalyp, táýelsizdigimizdiń bastaýynda turǵan tuǵyrly tulǵalar týraly da keńinen sóz boldy.
Jiyn qorytyndysynda ǵalymdar «Búgingi konferentsiia táýelsiz Qazaqstan tarihynyń álemdik deńgeide zerttelýine jańa serpin beredi» dep atap ótti.
Ultymyzdyń jańa dáýirdegi tarihyn zerdelegen konferentsiia materialdary aldaǵy ýaqytta arnaiy jinaqqa toptastyrylyp, tarihshylar qaýymyna, izdenis jolyndaǵy jas ǵalymdar men bilim alýshylarǵa usynylatyn bolady.
