Kólik ministri Marat Qarabaev otandyq tasymaldaýshylardyń sheteldik kompaniialardyń múddesin qorǵady degen aiyptaýlary men shaǵymdaryna jaýap berdi. Ministr atap ótkendei, bul narazylyqtar jańa qujat kúshine engennen keiin eki sanattaǵy tasymaldaýshylar tarapynan týyndaǵan. Birinshisi – burynǵy monopolister, al ekinshisi – blank satýdy kásip etkender, dep habarlaidy Dalanews.kz.
"Ókinishke qarai, buǵan deiingi buiryqtarymyzda sheteldik ruqsat blankileri “tarihi jady” negizinde bólinetin. Iaǵni, kim buryn alsa, sol kompaniialar sol kólemde – 70%-ǵa deiin blank alatyn, qalǵan 30%-y ǵana ózgelerge tiesili bolatyn. Qazir bul monopoliialyq júie joiyldy", – dedi Qarabaev.
Ministrdiń aitýynsha, endi sheteldik ruqsat blankin alý úshin sońǵy alty aida naqty júk tasymaldaǵanyn dáleldeitin qujattar – taýar nomenklatýrasy talap etiledi.
“Sonyń nátijesinde sheteldik ruqsat blankilerin alýǵa quqyǵy bar avtokólik quraldarynyń sany 90 myńnan 33 myńǵa deiin azaidy. Iaǵni, bul 57 myń avtokólik quraly shyn máninde tasymalmen ainalyspaǵan, tek qujat arqyly paida tapqysy kelgen”, – dep túsindirdi ministr.
Buryn sheteldik ruqsat blankisi bos kúiinde beriletin, dep qosty ministr. Qazir bul qujatta kompaniianyń ataýy men kólik nómiri kórsetiledi, bul ony qaita satýǵa jol bermeidi. Sonymen qatar blankiniń áreket etý merzimi 30 kúnge deiin qysqartyldy.
“Buryn bul blank 100 kúnge deiin jaramdy bolatyn. Ony alǵannan keiin qoldanbai, naryqtaǵy suranys artqanyn kútip, keiin jasyryn naryqta 3-5 myń dollarǵa deiin satyp otyrǵandar boldy”, – dedi ministr.
Marat Qarabaevtyń málimdeýinshe, bul ózgeristerdiń arqasynda Eýropaǵa tasymal baǵasy 12-14 myń dollardan 7-9 myń dollarǵa deiin tómendegen.
Aita keteiik, buǵan deiin kólik ministri Marat Qarabaev Prezidentten sógis alǵanyn qalai qabyldaǵanyn aitqan edi.
Ministrdiń pikiri
Senat dálizinde Marat Qarabaev saiasi memlekettik qyzmetker ekenin jáne Memleket basshysynyń sheshimderin talqylaýǵa quqyǵy joq ekenin málimdedi.
"Prezident aldymyzǵa qoiǵan tapsyrmalardy ýaqtyly jáne sapaly oryndaý úshin bárimiz birge jumys isteimiz. Memlekettik organnyń birinshi basshysy retinde ózime kórsetilgen senimdi aqtaý úshin bar kúshimdi salamyn", - dep jaýap berdi Qarabaev.
Buǵan deiingi jaǵdai
Eske salaiyq, 14 mamyrda Prezident Qasym-Jomart Toqaevtyń tóraǵalyǵymen Qazaqstan Respýblikasy Qaýipsizdik Keńesiniń kólik-logistika salasyn damytý máseleleri jónindegi otyrysy ótti. Kólik ministri Marat Qarabaevtyń jáne birqatar ortalyq memlekettik organdar basshylarynyń baiandamalary tyńdaldy.
Memleket basshysy kólik salasyndaǵy ahýaldy synǵa aldy. Qordalanǵan problemalar men belgilengen mejelerdiń oryndalmaýy jańǵyrtý jumystaryn júrgizýge kedergi keltirip otyrǵanyn aitty.
Jiyn sońynda Prezident ministr Marat Qarabaevqa jumys barysynda jibergen kemshilikteri úshin sógis jariialady.
Memleket basshysy kólik-logistika salasyndaǵy problemalardy sheshýge qatysty naqty sharalar qabyldaýdy tapsyrdy.
