Qazaqstan Respýblıkasy Kólik mınıstrligi Azamattyq avıasıa komıtetiniń Taıaý Shyǵystaǵy jaǵdaıǵa baılanysty habarlamasyna sáıkes, Iran, Izraıl, Sırıa, Irak, Iordanıa jáne Lıvan aýmaǵynda, áýe keńistiginde jáne oǵan jaqyn aımaqtarda ushýǵa tolyq tyıym salynǵanyn habarlaımyz. Bul shekteý arnaıy buıryq shyqqanǵa deıin kúshinde bolady.
Atalǵan vedomstvonyń nusqaýy otandyq áýe tasymaldaýshylardyń barlyq turaqty jáne turaqsyz jolaýshylar, júk, sondaı-aq tehnıkalyq reısterine qatysty.
Osyǵan baılanysty týrıserden jaǵdaıdy jiti qadaǵalap, saparlaryn, ásirese BAÁ men Parsy shyǵanaǵy elderine barýdy muqıat josparlaýdy suraımyz.
Atalǵan óńirdegi ahýal ózgergen jaǵdaıda, Qazaqstannyń Avıasıalyq ákimshiliginiń avıasıalyq qaýipsizdik departamenti qosymsha aqparat usynady.
QR Týrızm jáne sport mınıstrligi jaǵdaıdy jiti baqylaýda ustap, jaýapty memlekettik organdar, elshilikter jáne týroperatorlarmen turaqty baılanysyp otyr. Qajet bolǵan jaǵdaıda Mınıstrlik Týrısik Qamqormen jáne áýekompanıalarmen birlesip týrıserdi qaıtarýdy qamtamasyz etedi.
