Kólik júrgizýshileri qashanǵa deiin jazǵy dóńgelekterin aýystyrýy kerek ekeni belgili boldy, - dep habarlaidy Dalanews.kz.
Avtokólikter qysqy dóńgelekke aýyspasa, kólik ieleri aiyppul tóleidi.
Zań boiynsha 1 jeltoqsanǵa deiin qysqy maýsymǵa daiyndyqty bastaý qajet.
"30 qarasha - elimizdegi barlyq avtokóliktiń dóńgelek aýystyratyn sońǵy kúni. Olai bolmasa aiyppul salynady. Bul aiyppuldyń eń tómengi mólsheri - 5 AEK, eger bir jyl ishinde júrgizýshi osyndai zańbuzýshylyqty qaita jasasa, onda aiyppul 10 AEK-ke deiin artady", - dep jazylǵan málimette.
"Aldaǵy kúnderi aýa raiy nasharlap, jańbyr men qar jaýýy, sondai-aq aýa temperatýrasy tómendeidi. Osyǵan bailanysty jol qozǵalysy qaýipsizdigin saqtaý maqsatynda kólik júrgizýshileri men avtokólik ielerine dóńgelekterin qysqy kezeńge aýystyrýdy aldyn ala josparlaýdy usynamyz", – dedi buǵan deiin politsiia departamenti ákimshilik politsiia basqarmasynyń bastyǵy Ashat Qulbaev.
Bul rette qysqy shinalar kóliktiń barlyq dóńgelegine aýystyrylýǵa tiis.
1 jeltoqsannan keiin osy talaptardy oryndamaǵan jaǵdaida QR Ákimshilik quqyqbuzýshylyq týraly kodeksiniń 590-babynyń 5-bóligine sáikes kólik ielerine 5 AEK (18460 teńge) mólsherinde aiyppul salynady.
Politsiia departamenti jol qaýipsizdigi máselesine erekshe kóńil bólýdi suraidy.
