كولىك جۇرگىزۋشىلەرى قاشانعا دەيىن جازعى دوڭگەلەكتەرىن اۋىستىرۋى كەرەك ەكەنى بەلگىلى بولدى، - دەپ حابارلايدى Dalanews.kz.
اۆتوكولىكتەر قىسقى دوڭگەلەككە اۋىسپاسا، كولىك يەلەرى ايىپپۇل تولەيدى.
زاڭ بويىنشا 1 جەلتوقسانعا دەيىن قىسقى ماۋسىمعا دايىندىقتى باستاۋ قاجەت.
"30 قاراشا - ەلىمىزدەگى بارلىق اۆتوكولىكتىڭ دوڭگەلەك اۋىستىراتىن سوڭعى كۇنى. ولاي بولماسا ايىپپۇل سالىنادى. بۇل ايىپپۇلدىڭ ەڭ تومەنگى مولشەرى - 5 اەك، ەگەر ءبىر جىل ىشىندە جۇرگىزۋشى وسىنداي زاڭبۇزۋشىلىقتى قايتا جاساسا، وندا ايىپپۇل 10 اەك-كە دەيىن ارتادى"، - دەپ جازىلعان مالىمەتتە.
"الداعى كۇندەرى اۋا رايى ناشارلاپ، جاڭبىر مەن قار جاۋۋى، سونداي-اق اۋا تەمپەراتۋراسى تومەندەيدى. وسىعان بايلانىستى جول قوزعالىسى قاۋىپسىزدىگىن ساقتاۋ ماقساتىندا كولىك جۇرگىزۋشىلەرى مەن اۆتوكولىك يەلەرىنە دوڭگەلەكتەرىن قىسقى كەزەڭگە اۋىستىرۋدى الدىن الا جوسپارلاۋدى ۇسىنامىز"، – دەدى بۇعان دەيىن پوليسيا دەپارتامەنتى اكىمشىلىك پوليسيا باسقارماسىنىڭ باستىعى اسحات قۇلبايەۆ.
بۇل رەتتە قىسقى شينالار كولىكتىڭ بارلىق دوڭگەلەگىنە اۋىستىرىلۋعا ءتيىس.
1 جەلتوقساننان كەيىن وسى تالاپتاردى ورىنداماعان جاعدايدا ق ر اكىمشىلىك قۇقىقبۇزۋشىلىق تۋرالى كودەكسىنىڭ 590-بابىنىڭ 5-بولىگىنە سايكەس كولىك يەلەرىنە 5 اەك (18460 تەڭگە) مولشەرىندە ايىپپۇل سالىنادى.
پوليسيا دەپارتامەنتى جول قاۋىپسىزدىگى ماسەلەسىنە ەرەكشە كوڭىل ءبولۋدى سۇرايدى.
