Bylai qaraǵanda úirenshikti qubylys bolyp kórinetin bul qyzmet túriniń ózine tən kəsibi erekshelikteri az emes. Degenmen basty ustanym - memleket pen qoǵam múddesin, el igiligin únemi nazardan tys qaldyrmaý. Sózimizge mysal etip "Qazaqavtojol" JShS-niń Túrkistan oblystyq filialyndaǵy jumystardy alsaq bolady.
Bul qyzmet orny 2017 jyldyń 18 qazanynan beri Jaýapkershiligi shekteýli seriktestik retinde qurylyp óz jumysyn júielep keledi. "Qazaqavtojol" JShS QR Investitsiialar jəne damý Ministrligine qarasty Avtokólik joldary Komitetiniń "Qazaqavtojol Ulttyq kompaniiasy" AQ sharýashylyq júrgizý quqyǵyndaǵy respýblikalyq memlekettik kəsipornynyń tapsyrystaryn oryndaidy. "Qazaqavtojol" JShS-niń Túrkistan oblystyq filialy jaýapkershiligi shekteýli seriktestiktiń sharýashylyq jumystaryn júrgizetin qurylymdyq bólimshesi bolyp tabylady.
Túrkistan oblysynan ótetin Respýblikalyq mańyzy bar avtomobil joly 746,2 shaqyrymdy qamtidy. Onyń ishinde Túrkistan oblystyq filialy 676,2 shaqyrym jerdi kútip ustaýǵa kelisimge otyrǵan. Jalpy sany 180 qyzmetkerleri men jumysshylary bar filialdyń quramyna úsh JPB (jol paidalaný bólimshesi) kiredi. Bul bólimsheler oblystyń úsh aýmaǵyna ornalasqan. Atap aitar bolsaq, JPB- 69 Shymkent qalasynyń mańaiyndaǵy "Kómeshbulaq" aýylyna jaqyn jerdegi respýblikalyq mańyzy bar jol boiynan oryn alsa, JPB – 68 Túrkistan qalasynda, al JPB – 70 Jetisai qalasynda jumys júieleidi. Osy JPB-i quramyna sondai-aq jol paidalaný pýnktteri kiredi. "Qazaqavtojol" JShS Túrkistan oblystyq filialynda jalpy sany jetpisten astam túrli tehnikalar bar.
Maýsymdyq jumystardan qysty kúnderi qar kúrep, jolǵa qum men tuz shashý jumystaryn aita ketken jón. Sonymen qatar eldi mekender ornalasqan jerlerdegi jol boiyn jaryqtandyrý da atqarylatyn qyzmet sanatyna kiredi. Únemi is ústindegi ujym osynaý jumystarǵa shynaiy jaýapkershilikpen qaraidy. Qazirgidei tótenshe jaǵdai kezeńinde de ujym aǵymdyq jumystaryn úzdiksiz oryndaýda. Arnaiy tehnikamen jaraqtalǵan jumysshylar joldyń ótý belgilerin jańartyp syzý (razmetka), jol jaǵdaiynyń sipattaryn uǵyndyratyn elementterdi syrlaý, katafot ornatý, aǵashtardy sanitarlyq kesý jəne basqa da jumystardy júrgizýde. “
– Ərine, aǵymdaǵy jumystar men jol boiyn kútip ustaý - qyzmettik boryshymyz.Oǵan meilinshe jaýapty qaraý paryzymyz – degen «Qazavtojol» Ulttyq kompaniiasy» AQ Túrkistan oblystyq filialynyń direktory Nurbol Myńjasarov myrzanyń sózin atalmysh ujymnyń tapsyrystaryn oryndaýshy "Qazaqavtojol" JShS Túrkistan oblystyq filialynyń direktory Erik Amanjolov myrza : "Jolaýshylar men júrgizýshilerge de aitar usynystar joq emes. Jol boiyn abattandyrý – týǵan jerdi abattandyrý. Bul kez kelgen adamnyń azamattyq ustanymy. Osy məselege barynsha mən bere otyryp, tazalyqtyń saqtalýyna ərqaisymyz yntaly bolsaq eken degen tilek aitqan bolar edik" – dep qostady. Tazalyq tazalanǵan jerde emes, qoqys shashylmaǵan jerde degen astarly qaǵida bar emes pe?! Sony jadymyzda ustasaq deidi basshy azamattar. Jol boiynyń abattanýy – barshanyń izgiligi.. Ərkez osyny oiymyzdan shyǵarmaǵanymyz mańyzdy.
A.Qýanuly, jýrnalist
