– Tańerteńgilik qalany aralaý barysynda birqatar mekteptiń qurylysymen tanystym. Mysaly, Esil aýdanynda ornalasqan mektep (Uly Dala dańǵyly men №39 kósheniń qiylysy) eki aýysymda 2400 oqýshy ornyn qurýǵa múmkindik beredi. Sonshama oryn Almaty aýdanyndaǵy mektepte (Q.Sátpaev jáne J. Nájimedenov kósheleriniń qiylysy) qurylady.
Tehnika men adamdardy jumyldyrýdy tapsyrdym. Oqý oryndaryn barlyq qajetti jabdyqtarmen qamtyp, mektepterge kirme joldardy oilastyrý, sondai-aq mektep aýmaǵyn abattandyrý men kógaldandyrýǵa erekshe nazar aýdarý qajet. Ekinshi mektep boiynsha da injenerlik jelilerge qosylý máselesin sheshýdi tapsyrdym.
Biyl barlyǵy 16 mektep salýdy josparlap otyrmyz. Oqý oryndaryn salý kezinde iri mektepterge kóshemiz. Osy sharalardyń arqasynda biyl ǵana 40 myńnan astam oqýshy orny qurylady. Demek, 2020 jylmen salystyrǵanda oqýshy oryndarynyń sany 2 eseden astam, al 2019 jylǵa qaraǵanda 4 ese ulǵaiady.
Mysaly, ótken jyly 11 mektep salyndy. Bul úsh aýysymmen oqytatyn mektepter sanyn 8-den 4-ke deiin, al tyǵyzdalǵan rejimi bar mektepter sanyn 22-den 14-ke deiin qysqartýǵa múmkindik berdi. Sonymen qatar, birqatar mektepter jylytý qazandyǵynan ortalyqqa aýystyryldy. Bul jyl saiyn 100 mln teńgege deiin qarajat únemdeýge múmkindik beredi.
Mektep qurylysyna da jeke investitsiia tartamyz. Investitsiialyq keńesterde 30-dan astam jeke menshik mekteptiń qurylysy qoldandy. Sonymen qatar, keshendi jospar aiasynda 5 jyldyq kezeńge 50-ge jýyq memlekettik mektep salý josparlanǵan.
Sondai-aq, qoldanystaǵy oqý oryndaryna tiisti nazar aýdarý qajet. Ótken jyly 26 bilim berý nysany (mektepter, balabaqshalar, kolledjder) jóndeldi. Osy jyly da jumystar júieli deńgeide jalǵasa bermek, – dep jazdy qala ákimi.
