Kókshetaý qalasynyń turǵyndaryna ózin «Kókshetaý Sý Arnasy» mekemesiniń qyzmetkeri retinde tanystyratyn belgisiz adamdardan jappai kúmándi qońyraýlar túsýde, dep habarlaidy Dalanews.kz.
Qońyraý shalýshylar sý eseptegish quraldaryna qatysty júiede aqaý shyqqanyn aityp, shuǵyl tekserý júrgizý qajet ekenin habarlaidy.
Olar «elektrondy kezekke jazý» syltaýymen abonentterden SMS arqyly kelgen nómirdi rastaýdy suraidy. Senim týdyrý úshin «sheberdiń» atyn atap, tipti onyń telefon nómirin de aityp, resmi tekserý júrgizilip jatqandai áser qaldyrady.
Politsiia, ásirese egde jastaǵy azamattardy, bul alaiaqtardyń áreketi ekenin eskertedi. Kásiporynnyń birde-bir qyzmetkeri telefon arqyly rastaý kodtaryn, qupiiasózderdi nemese jeke derekterdi suramaidy.
Eger mundai qońyraý kúdik týdyrsa áńgimeni jalǵastyrmańyz. Tutqany birden qoiyp, «Kókshetaý Sý Arnasy» mekemesine resmi bailanys nómirleri arqyly ózińiz habarlasqan jón.
