Kókpekti aýdanynyń jańa ákimi taǵaiyndaldy
Jańa ákimdi aýdan aktivine Danial Ahmetov tanystyrdy.
Radjan Qaiyrqanuly Shyǵys qazaqstan oblysy, Katonqaraǵai aýdany, Katon aýylynda dúniege kelgen. 2008 jyly Almaty energetika jáne bailanys institýtyn injener mamandyǵy boiynsha bitirgen. 2015 jyly Almaty ekonomika jáne statistika akademiiasyn bitirip, ekonomika jáne biznes bakalavry atandy.
Eńbek jolyn 2009 jyly «ShQ AEK» AQ jabdyqtardy jóndeý jónindegi elektr slesari bolyp bastaǵan. Odan ári sý qubyry-káriz jelileri qyzmetiniń bastyǵy, Ridder qalasy ákimdiginiń «Infroservis» MKK bas injeneri bolyp jumys istedi.
2012 jyly Semei qalasyndaǵy «Bastaý-Semei» JShS bas energetigi, Glýbokoe aýdanynyń qurylys, sáýlet jáne qala qurylysy bóliminiń mamany bolyp jumys istedi. Glýbokoe aýdany ákimdiginiń «Teploenergiia» MKK direktorynyń mindetin atqardy.
2014-2015 jyldary Katonqaraǵai aýdanynyń mádeniet jáne tilderdi damytý bóliminiń inspektory, jetekshi mamany, basshysy laýazymdarynda qyzmet atqardy.
Odan ári Katonqaraǵai aýdany ishki saiasat, mádeniet jáne tilderdi damytý bólimi basshysynyń orynbasary, Katonqaraǵai aýdany, Katonqaraǵai aýyldyq okrýgi ákiminiń orynbasary, sondai-aq Glýbokoe aýdany, Glýbokoe kentiniń ákimi qyzmetterin atqardy.
Osy ýaqytqa deiin Glýbokoe aýdany ákiminiń orynbasary bolyp jumys istedi.
