جاڭا اكىمدى اۋدان اكتيۆىنە دانيال احمەتوۆ تانىستىردى.
رادجان قايىرقان ۇلى شىعىس قازاقستان وبلىسى، كاتونقاراعاي اۋدانى، كاتون اۋىلىندا دۇنيەگە كەلگەن. 2008 جىلى الماتى ەنەرگەتيكا جانە بايلانىس ينستيتۋتىن ينجەنەر ماماندىعى بويىنشا بىتىرگەن. 2015 جىلى الماتى ەكونوميكا جانە ستاتيستيكا اكادەمياسىن ءبىتىرىپ، ەكونوميكا جانە بيزنەس باكالاۆرى اتاندى.
ەڭبەك جولىن 2009 جىلى «شق اەك» اق جابدىقتاردى جوندەۋ جونىندەگى ەلەكتر سلەسارى بولىپ باستاعان. ودان ءارى سۋ قۇبىرى-كارىز جەلىلەرى قىزمەتىنىڭ باستىعى، ريددەر قالاسى اكىمدىگىنىڭ «ينفروسەرۆيس» مكك باس ينجەنەرى بولىپ جۇمىس ىستەدى.
2012 جىلى سەمەي قالاسىنداعى «باستاۋ-سەمەي» ج ش س باس ەنەرگەتيگى، گلۋبوكوە اۋدانىنىڭ قۇرىلىس، ساۋلەت جانە قالا قۇرىلىسى ءبولىمىنىڭ مامانى بولىپ جۇمىس ىستەدى. گلۋبوكوە اۋدانى اكىمدىگىنىڭ «تەپلوەنەرگيا» مكك ديرەكتورىنىڭ مىندەتىن اتقاردى.
2014-2015 جىلدارى كاتونقاراعاي اۋدانىنىڭ مادەنيەت جانە تىلدەردى دامىتۋ ءبولىمىنىڭ ينسپەكتورى، جەتەكشى مامانى، باسشىسى لاۋازىمدارىندا قىزمەت اتقاردى.
ودان ءارى كاتونقاراعاي اۋدانى ىشكى ساياسات، مادەنيەت جانە تىلدەردى دامىتۋ ءبولىمى باسشىسىنىڭ ورىنباسارى، كاتونقاراعاي اۋدانى، كاتونقاراعاي اۋىلدىق وكرۋگى اكىمىنىڭ ورىنباسارى، سونداي-اق گلۋبوكوە اۋدانى، گلۋبوكوە كەنتىنىڭ اكىمى قىزمەتتەرىن اتقاردى.
وسى ۋاقىتقا دەيىن گلۋبوكوە اۋدانى اكىمىنىڭ ورىنباسارى بولىپ جۇمىس ىستەدى.
