Kókpekti aýdanynda jergilikti kásipkerler 19 tynys alý apparatyn satyp aldy
Aýdandyq aýrýhanaǵa jalpy sany 19 ókpeni jasandy jeldetý apparatyn satyp alyp, qoldanysqa berdi. Onyń árqaisynyń quny 500 myńǵa jýyq. Budan bólek 8 bobrov apparaty, 4 mln-ǵa provizorlar men gospitalderge qajet qural-jabdyqtar satyp alyndy. Qazaqstandyq kásipker, Kókpekti aýdanynyń týmasy Aidyn Rahimbaev 11 mln teńgege aýdandaǵy eki iri aýrýhanaǵa qajetti meditsinalyq preparattardy jetkizdi.
– Qazir búkil álemde taralǵan koronavirýs indeti árqaisymyzǵa ońai soǵyp otyrǵan joq. Biz, qazaq halqy, óte baýyrmal jáne janashyr halyqpyz. Sonyń nátijesinde aýyzbirshilik tanytyp, bul qiyn kezderdi birge jeńemiz dep oilaimyn. Árbir jaǵdaiy bar azamat, kásipker barynsha kómek kórsetse, indettiń taralýyn toqtatyp, naýqastarǵa da ýaqtyly kómek kórsetiletini belgili, - deidi el aǵasy.
Samar jáne Kókpekti aýyldaryndaǵy aýrýhanalarda táýlik boiy kezekshilikte júrip, naýqastardy emdep, indetpen kúresip otyrǵan dárigerlerge jergilikti kásipkerler tegin tamaqtaný júiesin qolǵa aldy. Kúndelikti ystyq tamaqpen qamtamasyz etip, óz rizashylyqtaryn bildirýde.
