اۋداندىق اۋرۋحاناعا جالپى سانى 19 وكپەنى جاساندى جەلدەتۋ اپپاراتىن ساتىپ الىپ، قولدانىسقا بەردى. ونىڭ ءارقايسىنىڭ قۇنى 500 مىڭعا جۋىق. بۇدان بولەك 8 بوبروۆ اپپاراتى، 4 ملن-عا پروۆيزورلار مەن گوسپيتالدەرگە قاجەت قۇرال-جابدىقتار ساتىپ الىندى. قازاقستاندىق كاسىپكەر، كوكپەكتى اۋدانىنىڭ تۋماسى ايدىن راحيمبايەۆ 11 ملن تەڭگەگە اۋدانداعى ەكى ءىرى اۋرۋحاناعا قاجەتتى مەديسينالىق پرەپاراتتاردى جەتكىزدى.
– ءقازىر بۇكىل الەمدە تارالعان كوروناۆيرۋس ىندەتى ءارقايسىمىزعا وڭاي سوعىپ وتىرعان جوق. ءبىز، قازاق حالقى، وتە باۋىرمال جانە جاناشىر حالىقپىز. سونىڭ ناتيجەسىندە اۋىزبىرشىلىك تانىتىپ، بۇل قيىن كەزدەردى بىرگە جەڭەمىز دەپ ويلايمىن. ءاربىر جاعدايى بار ازامات، كاسىپكەر بارىنشا كومەك كورسەتسە، ىندەتتىڭ تارالۋىن توقتاتىپ، ناۋقاستارعا دا ۋاقتىلى كومەك كورسەتىلەتىنى بەلگىلى، - دەيدى ەل اعاسى.
سامار جانە كوكپەكتى اۋىلدارىنداعى اۋرۋحانالاردا تاۋلىك بويى كەزەكشىلىكتە ءجۇرىپ، ناۋقاستاردى ەمدەپ، ىندەتپەن كۇرەسىپ وتىرعان دارىگەرلەرگە جەرگىلىكتى كاسىپكەرلەر تەگىن تاماقتانۋ جۇيەسىن قولعا الدى. كۇندەلىكتى ىستىق تاماقپەن قامتاماسىز ەتىپ، ءوز ريزاشىلىقتارىن بىلدىرۋدە.
