Memlekettik rámizder kúni qarsańynda Almaty oblysynyń ákimi Marat Sultanǵaziev Qonaev qalasyndaǵy Berdibek Soqpaqbaev atyndaǵy saiabaqta balalarmen kezdesti, dep habarlaidy dalanews.kz.
Erkin formatta ótken kezdesýge 35-ke jýyq bala qatysty. Ashyq aspan astynda uiymdastyrylǵan júzdesý barysynda oqýshylar oblys ákimine ózderin qyzyqtyrǵan suraqtaryn qoiyp, Qazaqstannyń memlekettik rámizderiniń tarihy men mańyzy týraly pikir almasty.
Kezdesý barysynda Marat Sultanǵaziev balalarǵa Memlekettik Tý, Eltańba jáne Ánurannyń táýelsiz Qazaqstannyń basty nyshandary ekenin aityp, olardy qurmetteý ár azamattyń paryzy ekenin atap ótti.
Sondai-aq ákim memlekettik rámizderge qatysty qyzyqty derektermen bólisti. Ásirese, kók Týdyń ǵarysh keńistigine kóterilip, álemniń eń biik shyńdarynda jelbiregeni týraly aitylǵan málimetter balalardyń erekshe qyzyǵýshylyǵyn týdyrdy.
Shara barysynda balalar memlekettik rámizderdiń avtorlary, olardyń mán-maǵynasy jáne Qazaqstannyń halyqaralyq deńgeidegi jetistikteri týraly suraqtar qoidy. Kezdesý ashyq dialog formatynda ótip, jas qatysýshylar óz oilaryn erkin jetkizýge múmkindik aldy.
Oblys ákimi mundai kezdesýlerdiń jas urpaqtyń boiynda patriottyq qundylyqtardy qalyptastyrýda mańyzdy ról atqaratynyn atap ótti.
“Memlekettik rámizder – bizdiń táýelsizdigimizdiń, birligimizdiń jáne eldigimizdiń belgisi. Olardy qurmetteý – týǵan elge degen qurmettiń kórinisi”, – dedi Marat Sultanǵaziev.
Aita keteiik, Memlekettik rámizder kúni jyl saiyn 4 maýsymda atalyp ótiledi. Bul kún qazaqstandyqtardyń eldik qundylyqtarǵa degen qurmetin arttyrýǵa jáne óskeleń urpaqtyń patriottyq tárbiesin nyǵaitýǵa baǵyttalǵan túrli is-sharalarmen erekshelenedi.
