Mamandar Almatyda JRVI boıynsha epıdemıologıalyq jaǵdaı turaqty ekenin málimdedi, dep habarlaıdy Dalanews.kz.
Almaty qalasy sanıtarıalyq-epıdemıologıalyq baqylaý departamenti basshysynyń orynbasary Ásel Qalyqova qalada maýsymdyq jaǵdaıǵa qaramastan, syrqattaný deńgeıi turaqty ekenin aıtty.
Departament derekterine súıensek, 45-aptada Almatyda 23 786 JRVI jaǵdaıy tirkelgen, bul - 100 myń turǵynǵa shaqqanda 1012,89. Ótken jyldyń osy kezeńimen salystyrǵanda 18,7%-ǵa, al aldyńǵy aptamen salystyrǵanda 18,9%-ǵa joǵary. Naýqastardyń 63%-dan astamy – balalar.
"Jańa epıdmaýsym bastalǵaly barlyǵy 113 390 JRVI jaǵdaıy tirkeldi. Aýrýshańdyqtyń 58,6%-y balalar arasynda. Barlyǵy - 2428 naýqas, onyń ishinde 255 júkti áıel jáne 1 jasqa deıingi 333 bala aýrýhanaǵa jatqyzyldy", – dedi Ásel Qalyqova.
Almatyda tumaýdyń A/H3N2 shtamynyń 13 rastalǵan jaǵdaıy anyqtalǵan, olardyń basym bóligi – ekpe almaǵandar. Naýqastardyń kópshiligi - júkti áıelder.
Sondaı-aq, rınovırýs, paragrıpp jáne maýsymdyq koronavırýs bar ekeni tirkelgen.
Maman turǵyndarǵa JRVI men tumaýdyń aldyn alýdyń negizgi is-sharalaryn eske saldy:
- ımýnıtetti kóterý: S dárýmenin qoldaný, dáriger nusqaýymen oksolın maıyn paıdalaný;
- kópshilik jınalatyn oryndarǵa barýdy qysqartý, úı-jaıdy jeldetip, tazalaý, JRVI-men aýyratyndarmen qarym-qatynastan aýlaq bolý, qajet jaǵdaıda maska taǵý, jeke gıgıena erejelerin saqtaý;
- syrqattanǵan jaǵdaıda úıde bolý, ózin-ózi emdemeý, medısına qyzmetkerin shaqyrý, jótelgende jáne qaqyrǵanda aýyzdy qolmen, salfetkamen nemese oramalmen jabý, qoldy jıi jýý;
- naýqas balalardy mektepke, balabaqshaǵa jáne mádenı-buqaralyq oryndarǵa jibermeý.
