"Qazaqmys" Korporatsiiasynyń quramyna kiretin Qaraǵandy quiý-mashina jasaý zaýytynyń (KLMZ) ujymy Qazaqstan Respýblikasynyń jańa Konstitýtsiia jobasyn qoldaitynyn resmi túrde jariialady. Joba 2026 jyldyń 15 naýryzynda jalpyulttyq referendýmǵa shyǵarylady, dep habarlaidy Dalanews.kz.
Zaýyttaǵy ár aýysym, ár bólimshe, ár qyzmetker óndiristiń turaqty jáne tiimdi júrýine úles qosatyn bolsa, ár azamat ta eldiń bolashaǵyna jaýapkershilikpen qaraýy tiis. Memleket kúshti bolýy úshin zań ústemdigi, ashyqtyq, áradamnyń quqyqtaryn syilaý jáne qoǵam múddesiniń teńgerimdiligi mańyzdy. Jańa Konstitýtsiia jobasy osy qaǵidalardy bekitip, ádildik pen azamattardyń quqyqtary men bostandyqtaryn qorǵaýdy, sondai-aq eldiń turaqty damýyna jaǵdai jasaýǵa baǵyttalǵan.
"Biz úshin referendým — jai rásim emes. Bul — ózazamattyq ustanymymyzdy bildirý, eldiń turaqtylyǵy men progresin qoldaýdyń naqty múmkindigi. Memlekettiń bolashaǵy ár azamattyń jaýapkershiligine, belsendiligine jáne mańyzdy máselelerge kóńil bólýine bailanysty", — dep atap ótti zaýyt ujymy.
Referendýmǵa qatysý — árbir azamat úshin eldiń turaqtylyǵy men damýyna qosqan úles. Bul tek reformalardy qoldaýdyń múmkindigi ǵana emes, árqaisymyzǵa quqyqtyq jáne áleýmettik negizdi qalyptastyrýdaǵy mańyzdy protsestiń bir bóligi bolýǵa jol ashady. Jańa Konstitýtsiia bolashaq urpaq ómiriniń sapasyn aiqyndaityn mańyzdy qujat.
KLMZ ujymy óziniń azamattyq ustanymyn kórsetip qana qoimai, "Qazaqmys" Korporatsiiasynyń negizgi qundylyqtaryn — jaýapkershilik, adaldyq jáne ár adamnyń ortaq iske qosqan úlesin de dáripteidi.
Ujym barlyq qazaqstandyqty belsendi bolýǵa, referendýmǵa qatysyp, jańa Konstitýtsiia jobasyn qoldaýǵa shaqyrady. Bul — ádildik, zańdylyq jáne ózara syilastyqqa negizdelgen eldiń bolashaǵyna úles qosýdyń naqty múmkindigi.
