Oligarh Aleksandr Klebanov Frantsiiadan jańa villa satyp aldy, - dep habarlaidy Dalanews.kz Ulysmedia.kz.
Áleýmettik jelilerde qazaqstandyq kásipkerdiń jańa sándi jyljymaityn múligi týraly aqparat paida boldy. Villanyń quny onyń energetikalyq korporatsiiasynyń "jyldyq tabysynan eki ese qymbat shyqty" degen sybys bar.
Pavlodarlyq jylý jelileriniń teń iesi jyljymaityn múlikti izraildik investor ári restorator Filipp Shrikiden satyp alǵan. Klebanovtyń ózi Monakoda turady. Jańa úii rezidentsiiasynan 10 minýttyq jerde ornalasqan. 1925 jyly salynǵan jáne jaǵalaýda ornalasqan bul villanyń aýdany shamamen 905 sharshy metrdi quraidy. Basseini men shyǵanaǵy bar 25 akr jer ýchaskesimen qorshalǵan. Saýdanyń boljamdy quny shamamen 17 mln eýrony nemese 9 mlrd teńgeni quraidy. Bul onyń Ortalyq Aziia elektr energetikalyq korporatsiiasynyń (OAEK) ótken jylǵy tabysynan 4,7 mlrd teńgeni kórsetken.
– Klebanov villasy eldegi eń tanymal Ekibastuz JEO-sy men oǵan tiesili qalalyq jylý jelilerinen 2,5 ese qymbat, – dep naqtylaidy post avtorlary.
Osy jyldyń mamyr aiynda Klebanov ulymen birge Elgia Riviera jyljymaityn múlikti basqarý kompaniiasyn qurǵagn ol buryn Shrikige tiesili bolǵan.
Bul saýda jylý ortalyǵy ieleriniń Qazaqstandaǵy eskirgen infraqurylymdy jańǵyrtýdan góri sheteldik jyljymaityn múlikke qumar keletinin kórsetedi. Ekibastuz JEO-daǵy belgili jaǵdaidy qosa alǵanda, ortalyq obektilerindegi turaqty avariialar myńdaǵan adamdy jylýsyz qaldyrǵan.
2022 jyly Ekibastuzda júz myńnan asa turǵyn JEO-2-degi úlken apatqa bailanysty qatty aiazda birneshe kún boiy jylýsyz, jaryqsyz qalǵan. Oǵan jylý qubyrlarynyń qatty tozǵany sebep bolǵan. Sol tusta JEO iesi Aleksandr Klebanov "bárine kináli tarif saiasaty" ekenin aitqan bolatyn. Onyń sózinshe, dál osy sebep oǵan infraqurylymǵa qajetti deńgeide qyzmet kórsetýge múmkindik bermegen.
Osyǵan qaramastan Klebanovtyń Forbes tiziminde "murtyn balta shappady". Ol Qazaqstannyń eń bai 20 adamynyń qatarynda qaldy. Keiinirek Klebanov JEO-ny "bir teńgege" memleketke qaitarýǵa daiyn boldy. Biraq 2023 jyly jylý elektr magistrali infraqurylymynyń jartysy ǵana qala ákimdiginiń balansyna berildi.
