Kisi qaqqan Qabatovtyń kómekshisi taǵy bir zańsyzdyqpen ustaldy
Portaldyń habarlaýynsha, ol mas kúiinde kólikke otyryp, jyldamdyqty asyrǵany úshin qamaýǵa alyndy. Onyń bul joly Tusynbek Qabatovtyń áieli Móldir Muqanovaǵa tiesili Cadillac Escalade avtokóligin tizgindegeni habarlanǵan.
Aita ketsek, 2020 jyldyń qazanynda Tursynbek Qabatov 2019 jyly óz mashinasymen bolǵan adam ólimine ákep soqqan apatqa qatysty túsinikteme berdi.
Kólikti onyń kómekshisi tizgindegeni belgili boldy, ol Temirtaý-Nura-Nur-Sultan tas jolynda 34 jastaǵy jaiaý júrginshini qaǵyp ketken. Zardap shegýshi oqiǵa ornynda kóz jumǵan. Ol kezde er adam júrgizýshi kýáliginen aiyrylǵan. Qaraǵandy oblystyq politsiia departamenti qylmys quramy joq bolǵandyqtan ol oqiǵaǵa qatysty is toqtatylǵanyn aitty.
Iaǵni, qymbat Leksýs kóligin tizgindegen Qabatovtyń kómekshisi jazalanbaidy. Olardyń sózinshe, qaitys bolǵan azamat joldyń betine ózi shyǵyp ketip, ereje buzǵan kórinedi.
