Resei Prezidenti Vladimir Pýtin Máskeý oblysyndaǵy mektepte qaza tapqan tájik balaǵa bailanysty Tájikstan Prezidenti Emomali Rahmonǵa resmi túrde kóńil aitty, dep habarlaidy Dalanews.kz.
Resei basshysy qaiǵyly oqiǵaǵa kináliler mindetti túrde jaýapqa tartylatynyn málimdedi.
"Ekijaqty kezdesýimizdi birneshe kún buryn qaza tapqan tájikstandyq balanyń otbasyna jáne ózińizge shynaiy kóńil aitý sózderinen bastaǵym keledi. Balalarǵa qatysty jasalǵan terrorlyq áreketter – asa jiirkenishti qylmys. Kúdiktilerge qatysty tergeý isi mindetti túrde sońyna deiin jetkiziledi jáne kináliler sózsiz tolyq kólemde jaýapqa tartylady", – dedi Vladimir Pýtin.
Aita keteiik, qaiǵyly oqiǵa 2025 jyly 16 jeltoqsanda Máskeý oblysyndaǵy Gorki-2 kentinde ornalasqan Ýspenskaia mektebinde bolǵan. Sol mekteptiń 9-synyp oqýshysy oqý ornyna pyshaqpen kirip, aldymen kúzetshini jaralaǵan. Keiin ol 4-synyp oqýshysyna shabýyl jasaǵan. Aýyr jaraqat alǵan bala oqiǵa ornynda kóz jumdy.
Atalǵan derek boiynsha qylmystyq is qozǵalyp, kúdikti qamaýǵa alyndy.
