"Qazaqstan temir joly" ulttyq kompaniiasy 2024 jyldyń qyrkúiek-qazan ailaryndaǵy astyq eksporty boiynsha jospardyń nege buzylǵanyn túsindirdi, dep habarlaidy Dalanews.kz.
"2024 jyldyń qyrkúiek-qazan ailarynda jańa egin naýqany astyǵyn tasymaldaýdyń naqty kólemi 2,2 mln tonna deńgeiinde kútilýde, bul osy jyldyń 8 aiyndaǵy tasymaldardyń jalpy kólemi jartysynan astamǵa artyq", delingen "Qazaqstan temir joly" ulttyq kompaniiasy habarlamasynda.
Bul rette QTJ qyrkúiek-qazan ailarynda 3,6 mln tonnasy eksportqa jóneltilmek 4,3 mln tonna kólemindegi astyq tasymalyna qyzmet kórsetýge daiyn bolǵandaryn, kompaniia tarapynan tiisti josparlar buryn kelisilgenin basa aitady. Alaida, bul josparlar elevatorlar men astyq qabyldaý pýnktteriniń tieý resýrstarynyń tozýy, kirme joldardyń qanaǵattanarlyqsyz jai-kúii, qoldanystaǵy elevatorlardyń jartysyna jýyǵynda jeke lokomotivterdiń bolmaýy siiaqty birqatar sebepterge bailanysty oryndalmady."Osy jaǵdailardy eskere otyryp, barlyq elevatorlar men NPÓ-ǵa tieý qýaty táýligine orta eseppen 600-650 vagondy nemese aiyna 1-1,2 mln tonnany quraidy. Óz tarapynan Kompaniia qarasha aiyna 2 mln tonnadan astam tasymaldaýdy josparlaýǵa daiyn, onyń ishinde eksportqa - 1,7 mln tonna", - deidi QTJ.
Qytai baǵytyndaǵy shekteýler qabyldaýshy taraptyń múmkindikterine tikelei bailanysty ekeni de naqtylanady.
"Bul astyqty túsirýdiń, synamalardy taldaýdyń jetkilikti uzaq rásimderi, QHR keden qyzmetiniń jumys kestesi tek kúndizgi ýaqytta jáne t.b., sonyń saldarynan QHR-ǵa astyq júkterin áketýdiń ai saiynǵy eń joǵary kólemi shamamen 150 myń tonnany quraidy. Bul júk sapasynyń sáikestigi jáne Qytai júk alýshylarynda qoldanystaǵy litsenziialardyń bolýy jaǵdaiynda ǵana. Sonymen qatar, qyrkúiek aiynyń basynda QHR barlyq astyq júkteriniń bond aimaǵyna astyq qabyldaýdy toqtatty, sodan keiin astyq júkterin qabyldaýdan jáne qaitarýdan birqatar bas tartýlar boldy. Nátijesinde qaitarýǵa 360 astam vagon jetkizildi", delingen QTJ túsiniktemesinde.
QTJ Qazaqstan aýmaǵynda konteinerlik poiyzdardyń jinalyp qalatynyn basa aitady. Konteinerlerde astyqty qabyldaýdy shekteý saldarynan táýligine eki quramnan eki túiispege (Altynkól jáne Dostyq) jáne kedendik rásimder men júk taldaýlarynan ótý boiynsha ýaqytsha kidirister bolady.
"Bul infraqurylymnyń bos bolmaýyna ákeledi jáne basqa baǵyttardaǵy tasymaldaýǵa áser etedi. Osyǵan bailanysty, jolaýshylar men júk poiyzdarynyń úzdiksiz ótýin qamtamasyz etý jáne magistralda qurylys jáne jóndeý jumystaryn júrgizý úshin qazirgi ýaqytta Kompaniia astyq júkterin konteinerlerge tieýdi retteýge májbúr", delingen habarlamada.
Qytai baǵytyndaǵy ýaqytsha qiyndyqtarǵa qaramastan, jańa egin naýqanynyń dáni Ortalyq Aziianyń dástúrli naryqtaryna qaita oralǵanyn atap ótken jón: qyrkúiek-qazan ailarynda bul baǵytta astyq jetkiziliminiń ósýi 1 mln tonnadan astamdy nemese ótken jylǵy deńgeige 30% qurady (2023 jyly 782 myń tonna).
"Aqtaý porty arqyly Iranǵa tasymaldaý jańartyldy - eki aida 2023 jyldyń 9 aiynda 222 myń tonnaǵa qaraǵanda 250 myń tonnadan astam jóneltildi. Resei Federatsiiasynyń porttary arqyly da, Baltyq jaǵalaýy arqyly da Eýropalyq odaq elderine tasymaldaý bastaldy, Túrkiianyń jańa naryǵyna tasymaldaý qarqyny artyp keledi", delinedi QTJ túsiniktemesinde.
Aita ketsek, "Diqanshylar Prezidentke nege alǵys aitty nemese 2025 jyly astyq eksportyn ulǵaitý múmkin be" degen maqalamyzda 2024 jyly Qazaqstannyń astyq eksporty kúrt tómendegeni aitylǵan. Mamandar sonyń bir saldary retinde júk tasymaly salasyndaǵy olqylyqtardy ataidy.
