Kia qańtar aiynyń qorytyndysy boiynsha Qazaqstannyń avtokólik naryǵynda jańa kóshbasshy atandy. "Qazaqstannyń Avtokólik Odaǵy" málimetine sáikes, brend jańa kólikter satylymy boiynsha birinshi orynǵa shyqty. Bul jetistik Allur kompaniiasynyń óndiristi damytý, distribýtsiiany jetildirý jáne brendtiń el naryǵyndaǵy pozitsiiasyn nyǵaitý baǵytyndaǵy júieli jumysynyń nátijesi boldy, dep habarlaidy Dalanews.kz.
Qańtar aiynda 2774 Kia avtokóligi satyldy. Bul kórsetkish 2025 jyldyń qańtarymen salystyrǵanda 183 paiyzǵa, al ótken jyldyń jeltoqsanymen salystyrǵanda 44 paiyzǵa joǵary. 2025 jyldyń qańtarymen salystyrǵanda Kia brendi naryqtaǵy úlesin eki eseden astam arttyryp, 20 paiyzǵa (+11%) jetti.
Aidyń eń kóp satylǵan kólikteri reitinginiń alǵashqy ondyǵyna birden úsh Kia modeli endi. Brendtiń bestselleri – Sportage krossoveri: 1482 avtokólik satylyp, 2025 jyldyń qańtarymen salystyrǵanda ósim 222 paiyzdy qurady. Bul kórsetkish modeldi reitingtiń ekinshi satysyna shyǵardy. Besinshi orynda Cerato sedany – 493 avtokólik (+413%). Al onynshy orynǵa alǵash ret jańa yqsham sedan Soluto enip, 337 avtokólik satyldy.
"Klientterimizge joǵary senimi úshin alǵys aitamyz. Kia Qazaqstanda satylym boiynsha sózsiz kóshbasshyǵa ainaldy. Buǵan modelder qataryn keńeitý, tartymdy baǵa usynystary jáne barlyq modeldiń jergilikti óndirisi yqpal etti. Óndiristi Allur kompaniiasy damytyp keledi. Sonyń arqasynda óndiristi jergiliktendirý deńgeiin odan ári arttyryp, kólikterge qazaq tilindegi mázirdi engizýdi jalǵastyramyz. Qazir mundai mýltimedia júiesi bes modelimizde bar. Biyl qazaqstandyq Kia ieleri men jankúierleri úshin kóptegen qyzyqty jańalyq kútip tur", – dedi Kia-nyń Qazaqstandaǵy distribýtsiia direktory Daniiar Orazbaev.
Aita keteiik, aqpan aiynyń sońyna deiin 2025 jyly shyǵarylǵan brendtiń barlyq modelderi arnaiy baǵamen usynylady. Máselen, K5 jáne Sorento modelderine beriletin jeńildik 4,2 mln teńgege deiin, Sportage úshin – 4,5 mln teńgege deiin, al K8 úshin – 5 mln teńgege deiin jetedi.
Satyp alýshylarǵa arnalǵan tartymdy sharttar men modeldik qatardyń josparly jańartylýy Kia brendiniń Qazaqstan naryǵyndaǵy ósýin odan ári jedeldetip jatyr.
