Naýqannyń ekinshi kúninde partiialar saltanatty rásimderden óńirlerdegi praktikalyq jumysqa den qoidy. Eger alǵashqy kúni negizgi oqiǵa sailaýaldy shtabtardyń ashylýy bolsa, endi kandidattar sailaýshylarmen alǵashqy kezdesýlerin ótkizip, oblystarǵa saparlaryn bastap, kásiporyndar men salalyq alańdardy aralaýǵa kiristi, dep habarlaidy dalanews.kz.
Sonymen qatar árbir saiasi partiia túrli aýditoriialarǵa baǵyttalyp, halyqpen qarym-qatynastyń ózindik formatyn tańdady.
«Ádilet» partiiasy úgit-nasihat naýqanynyń óńirlik kezeńin Túrkistan oblysynan bastady. Kúni boiy kandidattar ziialy qaýym ókilderimen, pedagogtermen, meditsina qyzmetkerlerimen, qolónershilermen, sportshylarmen, kásipkerlermen jáne óńir turǵyndarymen birqatar kezdesý ótkizdi. Kezdesýler barysynda infraqurylymdy damytý, týrizm, shaǵyn biznes, aýyldyq aýmaqtardy órkendetý jáne áleýmettik sala máseleleri talqylandy. Sonymen qatar sailaýaldy naýqan aiasynda «Ádiletti Qazaqstan úshin» mobildi kerýenderi jumysyn bastady.
Jalpyulttyq sotsial-demokratiialyq partiia (JSDP) Astanada jýrnalisterdiń, saiasattanýshylardyń jáne blogerlerdiń qatysýymen dóńgelek ústel uiymdastyrdy. Is-shara barysynda sailaýaldy naýqan, partiialyq báseke jáne kadr saiasaty máseleleri talqylandy.
«Baitaq» jasyldar partiiasy naýqanyn Astanada ekologiialyq marafon ótkizý arqyly. jalǵastyrdy. Is-shara Triatlon parkinde ótip, oǵan 200-den astam adam qatysty. Olardyń qatarynda Quryltai depýtattyǵyna kandidattar, partiia belsendileri, eriktiler men ekobelsendiler boldy. Qatysýshylar 2,5 shaqyrym qashyqtyqty eńsergennen keiin is-sharaǵa qatysýshylarmen kezdesý ótkizdi.
Qazaqstannyń Halyq partiiasy (QHP) sailaýaldy naýqanyn Pavlodar oblysynda jalǵastyrdy. Onda kandidattar ónerkásip kásiporyndarynyń eńbek ujymdarymen kezdesti. Kezdesýler barysynda eńbek jaǵdailary, áleýmettik sala jáne óndiristik qaýipsizdikke qatysty máseleler talqylandy.
Naýqannyń ekinshi kúni «Aýyl» partiiasynyń basshylyǵy AUYL JASTARY jastar qanatynyń úgit-nasihat is-sharalaryn ótkizý boiynshadaiyndyǵymen tanysty. Bul is-sharalar sailaýaldy kezeńde elimizdiń barlyq óńirinde ótkiziledi dep josparlanǵan. Sonymen qatar Quryltai depýtattyǵyna kandidattar Astanadaǵy «StalTsink» kásipornyna baryp, óndiris jumysymen tanysyp, eńbek ujymymen kezdesti. Kezdesý barysynda óndiristi damytý, kásipkerlik, óńirlik ekonomika jáne eńbek adamyn qoldaý máseleleri talqylandy. Kún sońynda Quryltai depýtattyǵyna kandidat Jigýli Dairabaevtyń qatysýymen partiianyń áleýmettik jelidegi resmi paraqshasynda tikelei efir ótti.
«Aq jol» demokratiialyq partiiasynyń ókilderi partiia tóraǵasy Daniia Espaevanyń jetekshiligimen sailaýshylarmen kezdesýlerin jalǵastyrdy. Kezdesýler barysynda ekonomikalyq saiasat, kásipkerlikti qoldaý jáne qatysýshylardy qyzyqtyrǵan ózge de máseleler talqylandy. Sondai-aq sailaýaldy naýqanyn ótkizýge qatysty birqatar máseleler boiynsha pikir almasý boldy.
Respublica partiiasynyń ókilderi óńirlik saparlaryn Qaraǵandy oblysynan bastady. Delegatsiia birneshe aýyl sharýashylyǵy kásipornyna baryp, sharýashylyq basshylarymen jáne agrarlyq sektor qyzmetkerlerimen kezdesti. Kezdesý barysynda aýyl sharýashylyǵyn damytý jáne saladaǵy qoldanystaǵy retteý máseleleri talqylandy.
Jalpy, sailaýaldy naýqannyń ekinshi kúni resmi bastalý kezeńinen sailaýshylarmen praktikalyq jumys kezeńine kóshkenin kórsetti. Saiasi partiialar óńirlik kún tártibine, eńbek ujymdarymen, kásipkerlermen, jastarmen jáne qoǵam ókilderimen kezdesýler ótkizýge, sondai-aq taqyryptyq qoǵamdyq is-sharalar men ashyq pikirtalastar uiymdastyrýǵa basymdyq berdi.
