QMA Mańǵystaý oblysy boiynsha departamenti "Kezbi" JShS atqarýshy direktory Erjan Kezbaevqa qatysty QK 190-babynyń 4-bóligi 2-tarmaǵy ("asa iri mólsherdegi alaiaqtyq) boiynsha qylmystyq is qozǵady, dep habarlaidy Dalanews.kz.
"Ol kompaniia qyzmetkerlerine jalaqy tóleý úshin "Ózenmunaigaz" AQ bólgen 321 mln teńgeni jymqyryp, sondai-aq 1,5 mlrd teńgege jýyq somaǵa salyq tóleýden jaltarady dep kúdiktelýde", - delingen Qarjy monitoringi agenttiginiń habarlamasynda.
Agenttiktiń habarlaýynsha 2021 jyly "Kezbi" JShS "Ózenmunaigaz" AQ-men brigada úshin saǵatyna 65 myń teńge baǵamen qyzmet kórsetý sharttar jasasqan.
Keiinnen eńbekaqy men meditsinalyq járdemaqylardyń ósýin qosa alǵanda, jumysshylar úshin áleýmettik paketti jaqsartý maqsatynda qyzmet baǵasy brigada úshin saǵatyna 87 myń teńgege deiin ulǵaitylǵan. Alaida, qarajattyń edáýir bóligin, atap aitqanda 321 mln teńgeni kompaniia basshysy qyzmetkerler úshin áleýmettik jaǵdailardy jumsamai jymqyrǵan, dep habarlady QMA.
3 qarashada kúdikti Erjan Kezbaev ustalǵan.
Qazirgi ýaqytta jasalǵan qylmystyń barlyq mán-jailaryn anyqtaýǵa baǵyttalǵan tergeý áreketteri júrgizilýde. QR QPK 201-baby tártibindegi ózge de aqparat jariia etýge jatpaityny habarlandy. Munai servistik qyzmet kórsetýshi kompaniianyń jalǵyz quryltaishysy jáne bas direktory Bitim Kezbaev.
