QR Eńbek jáne halyqty áleýmettik qorǵaý mınıstrliginiń "Ashyq NQA" portalynda zıandy eńbek jaǵdaıyna ıe jumystarǵa taǵy bes jańa kásipti jatqyzýdy usynǵan buıryq jobasy jarıalandy, dep habarlaıdy Dalanews.kz.
Zıandy eńbek jaǵdaıyna ıe jumystarǵa jatqyzý usynylǵan jańa kásipter qatarynda mynalar bar:
- ák, áktas jáne dolomıt qoımalarynda jumys isteıtin, ák, áktas jáne dolomıtti ák-kúıdirý peshteriniń shyǵys býnkerlerine, sondaı-aq konverter sehynyń berý traktiniń shyǵys býnkerlerine tasymaldaý úshin kópir krandarynyń áreket etý aımaǵyna qabyldaýmen, ornalastyrýmen jáne berýmen aınalysatyn búldozer mashınısi,
- prokat standarynyń emýlsıasyn daıyndaý aparatshysy,
- tabaq metaldy býyp-túıý agregaty postynyń operatory,
- qara metalýrgıa óndirisi kezinde gaz kondensatyn aıdaýmen, aǵyzýmen jáne tasymaldaýmen aınalysatyn avtomobıl júrgizýshisi,
- elektr stansıalarynyń lentalyq konveıerleriniń qabyldaý býnkerine qatarlardy túsirý, tıeý, qalyptastyrý, tóseý jáne kómir berý jónindegi jumystarda tikeleı aınalysatyn búldozer mashınısi.
Eger bul qujat qabyldansa, onda osy laýazymdarda jumys isteıtin azamattar úshin jumys berýshiler MZJ jáne JMZJ-dan bólek, jalaqynyń 5% mólsherinde, biraq óz esebinen mindetti kásiptik zeınetaqy jarnalaryn tóleı bastaıdy.
Buıryq jobasy 2025 jyldyń 2 qyrkúıegine deıin qoǵamdyq talqyǵa usynylǵan.
