Kentaýlyq baldyrǵandardyń 85 paiyzy balabaqshamen qamtylǵan
Jalpyǵa mindetti bilim berý qoryna 68,5 mln. teńge bólinip 2,3%-ǵa jetti. Otbasy jaǵdaiy tómen 1097 oqýshy ystyq tamaqpen jáne de 155 oqýshy kiim-keshekpen jáne 143 oqýshy jazǵy saýyqtyrý lagerine joldamamen qamtyldy.
159 qamqorshy azamattarǵa 28,4 mln. teńge qaralyp, jetim jáne ata-anasynyń qamqorlyǵynsyz qalǵan balalarǵa ai saiyn 24050 teńgeden tólenip otyr.
Budan bólek jergilikti biýdjetten 237,2 mln.teńge qaralyp, №1jáne №4 mektepterdiń kúrdeli jóndeý jumystary júrgizilgenin aita ketelik.
«Qazaqstan Respýblikasynda bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasy» aiasynda 616,8 mln.teńge bólinip, 4800 bala mektepke deiingi tárbiemen qamtylyp, 3-6 jastaǵy balalardy qamtýy 85,0%-ǵa jetti. Qala boiynsha 698 oqýshy mektep bitirip, onyń 577-sy (84,2%) UBT tapsyrdy. Qalalyq bilim bóliminiń málimetinshe biylǵy jyly Kentaý qalasyndaǵy UBT qorytyndysynyń ortasha kórsetkishi 87,9 balldy qurady, oqýshylardyń 456- sy memlekettik grantty ielendi, jalpy 79 paiyzdy qurady. Bul oblysta eń joǵary kórsetkish. 87 «Altyn belgi», 50 «Úzdik attestat» qorǵady.
