Elbasy árqashan shaǵyn jáne orta kásipkerlerge qoldaý kórsetý kerek ekenin aıtady. Keleshekte kásipkerler órkenıetti kapıtalısik elderdegideı el ekonomıkasynyń negizine aınalady. Mine, memleket basshysynyń «Ult Jospary 100 naqty qadamdaǵy» tapsyrmasyna sáıkes, Kentaýda kásipkerler úlesi artyp keledi. Bıyl shaǵyn jáne orta kásipkerlik nysandarynyń sany – 3348-ge jetip otyr. Olar 2436 mıllıon teńgeden astam qarjynyń ónimin óndirip, qyzmetin kórsetken. Ákimdik tarapynan kásipkerlerge qyzý qoldaý kórsetilýde.

Kentaý taý-ken óndirisine negizdelgen qala bolǵanymen, munda aýyl sharýashylyǵy umyt qalmaǵan. Egis kólemin ıgerý maqsatynda 2650-deı gektar jerge aýyl sharýashylyǵy daqyldary egilip, 46 gektarǵa qarqyndy alma baýy otyrǵyzyldy. Al, 350 gektar  jerge tamshylatyp sýǵarý ádisi engizildi. Jylyjaı sharýashylyǵyn damytý maqsatynda «Agroónerkásiptik keshenin damytýdyń 2017-2021 jyldarǵa arnalǵan tujyrymdamasy» sheńberinde bıyl 2,0 gektar  ónerkásiptik jáne 7,2 gektar  fermerlik jylyjaı qurý josparlandy. Búginde 1,7 gektar  jylyjaı salynyp bitti. Jáne aýyl sharýashylyǵy óndiristik kooperatıvterin damytý úshin «Ismet ata», «Yntymaq», «Qusshy Ata» jáne «ES-Marya» kooperatıvteri quryldy.

Injenerlik ınfraqurylymdardy damytý maqsatynda 885 jeke turǵyn úıge arnalǵan «Bolashaq», «Batys» jáne «Juldyz» móltek aýdandarynyń ınjenerlik-ınfraqurylym júıeleriniń qurylysy júrgizilip, paıdalanýǵa tapsyrý josparlanǵan.