كەنتاۋ تاۋ-كەن وندىرىسىنە نەگىزدەلگەن قالا بولعانىمەن، مۇندا اۋىل شارۋاشىلىعى ۇمىت قالماعان. ەگىس كولەمىن يگەرۋ ماقساتىندا 2650-دەي گەكتار جەرگە اۋىل شارۋاشىلىعى داقىلدارى ەگىلىپ، 46 گەكتارعا قارقىندى الما باۋى وتىرعىزىلدى. ال، 350 گەكتار جەرگە تامشىلاتىپ سۋعارۋ ءادىسى ەنگىزىلدى. جىلىجاي شارۋاشىلىعىن دامىتۋ ماقساتىندا «اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان تۇجىرىمداماسى» شەڭبەرىندە بيىل 2،0 گەكتار ونەركاسىپتىك جانە 7،2 گەكتار فەرمەرلىك جىلىجاي قۇرۋ جوسپارلاندى. بۇگىندە 1،7 گەكتار جىلىجاي سالىنىپ ءبىتتى. جانە اۋىل شارۋاشىلىعى وندىرىستىك كووپەراتيۆتەرىن دامىتۋ ءۇشىن «يسمەت اتا»، «ىنتىماق»، «قۇسشى اتا» جانە «ES-Marya» كووپەراتيۆتەرى قۇرىلدى.
ينجەنەرلىك ينفراقۇرىلىمداردى دامىتۋ ماقساتىندا 885 جەكە تۇرعىن ۇيگە ارنالعان «بولاشاق»، «باتىس» جانە «جۇلدىز» مولتەك اۋداندارىنىڭ ينجەنەرلىك-ينفراقۇرىلىم جۇيەلەرىنىڭ قۇرىلىسى جۇرگىزىلىپ، پايدالانۋعا تاپسىرۋ جوسپارلانعان.
