Kentaý qalasynda jańa týǵan náresteniń denesi tabylýyna bailanysty qylmystyq is qozǵaldy, dep habarlaidy Dalanews.kz.
Bul derek boiynsha qazir balanyń anasyn anyqtaýǵa baǵyttalǵan jedel izdestirý is-sharalary júrgizilip jatyr.
"Politsiia qyzmetkerleri aýmaqtardy aralap, beinebaqylaý kameralarynyń jazbalaryn zerdelep, sondai-aq, jaqyn ornalasqan úilerdiń turǵyndarymen jáne yqtimal kýágerlermen suhbat júrgizip jatyr. Budan bólek, meditsinalyq mekemeler de keshendi túrde tekserilip jatyr", - dep jazylǵan habarlamada.
Barlyq mán-jaidy anyqtaý maqsatynda qajet tergeý áreketteri jalǵasyp jatyr. Tergeý nátijeleri boiynsha zańǵa sáikes tiisti sheshim qabyldanatyny aityldy.
