Kentaýda psiholog-pedagogtar basqosty
Seminardyń maqsaty – emtihan kezindegi oqýshylardyń qobaljýlarynyń aldyn alý bolyp tabylady. Joǵary synyp oqýshylary arasynda pedagogikalyq, psihologiialyq qoldaý kórsetý, óz-ózine degen senimdilikterin arttyrý, jaǵymsyz oilardan aryltý, jaǵymdy kóńildi kúi qalyptastyrýdy kózdeidi.
Ulttyq biryńǵai testileýge tiimdi daiyndalýǵa kómek kórsetý. Seminarǵa jalpy mektep pedagog psihologtary, pedagogtar, ata-analar, oqýshylar jáne bilim bóliminiń psihologiia salasy boiynsha ádiskeri Núripa Kúzembaeva qatysty.
Seminar barysy mektep oqýshylarynyń áserli qazaqsha biimen ashyldy. Mektep basshysy N.Baltaev seminardyń baǵdarlamasymen tanystyryp kelgen pedagog psihologtardy, qonaqtardy trening sabaqtardyń ótiletin erejesimen tanystyrdy. Al bilikti psiholog maman Saltanat Ómirbaeva
«UBT-ǵa senimmen baraiyq» taqyrybynda baiandamasyn oqydy. Aisulý Qoilybaeva «Muǵalimniń isi syrttai qarapaiym bolǵanymen,tarihta eń uly istiń biri» taqyrybynda trening sabaq júrgizip psihologiialyq keńester berdi. Ata-analarmen Molda musa mektebiniń pedagog psihology Gúlnaz Daniiarova «Balaǵa úmit arty – ákeniń qaryzy, aqtaý – balanyń paryzy» taqyrybynda tok-shoý ótkizip ata-analarǵa áserli oi tastap, keńester berdi.
11 synyp oqýshylarymen A.Iýgnaki mektebiniń pedagog psihology Gúlmira Máýlenova trenigtermen, posterler qorǵaý jumystarymen erekshe kóńil kúi syilady. Eń qyzyqtysy A.Iýgnaki jalpy orta mektep pedagog psihology Daniiar Salihanov jalpy kelgen qonaqtarmen art terapiiasy jáne bi terapiiasyna qatysty túrli jattyǵýlar jasaǵany boldy. Mektep bazasyna jáne ákimshiligine rizashylyqtaryn bildirgen qonaqtar «Eki tilek bir júrek» arqyly jyly lebizderin bildirdi. Aldaǵy ýaqytta seminar jalǵasyn tabady.
