Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Kentaýda oiyn alańshalary jappai salyna bastaidy

Dalanews
Kentaýda oiyn alańshalary jappai salyna bastaidy
Túrkistan oblysynyń ákimi Ómirzaq Shókeev Kentaý Túrkistanmen qatar damidy degen bolatyn. Búginde bul baǵytta alǵysharttar jasalyp, jumystar júielene tústi. Aldaǵy ýaqytta buqaralyq sportty damyta otyryp, salaýatty ómir saltyn qalyptastyrý isin júzege asyrý maqsatynda Kentaý qalasynda sport jáne balalar oiyn alańshasynyń qurylysy qarqyn almaq, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

Búgin bul jospar jetinshi shaqyrylymdaǵy Túrkistan oblystyq máslihatynyń kezekti on birinshi sessiiasynda 17 máseleniń biri retinde arnaiy qaraldy.

Sessiiada Kentaý qalasynyń 33 kópqabatty turǵyn úileriniń aýlalaryna zamanýi balalar oiyn alańshasyn ornatý máselesi qaralyp, depýtattardan qoldaý tapty.

Endi kendi shahardyń barlyq aýlalary oiyn alańshalarymen qamtylatyn boldy. Búgingi tańǵa deiin 7 kópqabatty turǵyn úidiń aýlalaryna alańshalar salynyp, balalar qýanyshqa kenelip jatyr.

Jalpy 2022 jylǵa deiin qaladaǵy barlyq aýlaǵa jańa sport jáne balalar oiyn alańshasyn salý kózdelgen. Oiyn alańshalarymen qatar aýlany abattandyrý jumystary da júrgiziledi. Kópqabatty úilerdiń mańy asfaltanyp, kólik qoiatyn turaqtary da iske qosylmaq.

Sondai-aq turǵyndardyń erkin demalýy úshin bastyrma (besedka), jańa oryndyqtar men sportpen shuǵyldaný qural-jabdyqtary qosa ornatylady.
túrkistan Ómirzaq Shókeev Kentaý oiyn alańshalary Madina Sádýaqasova

Oqi otyryńyz