Túrkistan oblysynyń ákimi Ómirzaq Shókeev Kentaý Túrkistanmen qatar damıdy degen bolatyn. Búginde bul baǵytta alǵysharttar jasalyp, jumystar júıelene tústi. Aldaǵy ýaqytta buqaralyq sportty damyta otyryp, salaýatty ómir saltyn qalyptastyrý isin júzege asyrý maqsatynda Kentaý qalasynda sport jáne balalar oıyn alańshasynyń qurylysy qarqyn almaq, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Búgin bul jospar jetinshi shaqyrylymdaǵy Túrkistan oblystyq máslıhatynyń kezekti on birinshi sesıasynda 17 máseleniń biri retinde arnaıy qaraldy.

Sesıada Kentaý qalasynyń 33 kópqabatty turǵyn úıleriniń aýlalaryna zamanýı balalar oıyn alańshasyn ornatý máselesi qaralyp, depýtattardan qoldaý tapty.

Endi kendi shahardyń barlyq aýlalary oıyn alańshalarymen qamtylatyn boldy. Búgingi tańǵa deıin 7 kópqabatty turǵyn úıdiń aýlalaryna alańshalar salynyp, balalar qýanyshqa kenelip jatyr.

Jalpy 2022 jylǵa deıin qaladaǵy barlyq aýlaǵa jańa sport jáne balalar oıyn alańshasyn salý kózdelgen. Oıyn alańshalarymen qatar aýlany abattandyrý jumystary da júrgiziledi. Kópqabatty úılerdiń mańy asfáltanyp, kólik qoıatyn turaqtary da iske qosylmaq.

Sondaı-aq turǵyndardyń erkin demalýy úshin bastyrma (besedka), jańa oryndyqtar men sportpen shuǵyldaný qural-jabdyqtary qosa ornatylady.