Kentaýda jańa meditsinalyq ortalyq ashyldy
Onda labaratoriia, lor jáne terapevt, endekrinolog, úlkenderge jáne balalarǵa joǵary dárejeli kardiolog dárigerleri qyzmet kórsetedi. Arnaiy ýltra dybystyq zertteý júrgizetin mamandary da bar.
Sońǵy zamanaýi EKG jáne ÝDZ-y arqyly syrqattyń barlyq túrin, qan tamyrlary, býyn aýrýlary, bas aýrýy, ishki barlyq aýrýlardy anyqtai alady.
– Munda dárigerlerdiń barlyǵy joǵary bilimdi, l sanatty jáne joǵary sanattaǵy shetelde kóp jyl jumys jasaǵan tájiribeli mamandar qyzmet jasaityn bolady. Tipti ózimde Máskeý, Novosibirskte bolyp bilimim men tájiribemdi jetildirip keldim, – deidi ortalyq basshysy, dáriger Sherzad Azizov. Ol dárigerlik qyzmette 15 jyldyq tájiribesi bar kardiolog.
Atalmysh kardiologiialyq ortalyǵy júrek qan tamyrlary aýrýyn bastapqy kezeńde anyqtap, kerek jaǵdaida kúrdeli operatsiianyń da aldyn ala alady. Sebebi, ortalyqqa júrek jumysyn baqylaityn holter apparaty, júrek qan tamyrlary jumysyndaǵy aýytqýshylyqtardy tekseretin sońǵy úlgidegi qurylǵylar jetkilikti. Endi, quny 30 million dollarǵa baǵalanǵan bul keshendi emdeý qondyrǵylary jergilikti turǵyndardyń saýlyǵyn túzetýge qyzmet etetin bolady.
Ashylǵany jaqynda bolsada em alýshylar kezekke turyp, dáriger qabyldaýyna asyǵady. Munda em alýshylarǵa barlyq jaǵdai jasalynǵan jáne sanitarlyq talaptar qatań saqtalǵan.
