وندا لاباراتوريا، لور جانە تەراپيەۆت، ەندەكرينولوگ، ۇلكەندەرگە جانە بالالارعا جوعارى دارەجەلى كارديولوگ دارىگەرلەرى قىزمەت كورسەتەدى. ارنايى ۋلترا دىبىستىق زەرتتەۋ جۇرگىزەتىن ماماندارى دا بار.
سوڭعى زاماناۋي ەكگ جانە ۋدز-ى ارقىلى سىرقاتتىڭ بارلىق ءتۇرىن، قان تامىرلارى، بۋىن اۋرۋلارى، باس اۋرۋى، ىشكى بارلىق اۋرۋلاردى انىقتاي الادى.
– مۇندا دارىگەرلەردىڭ بارلىعى جوعارى ءبىلىمدى، l ساناتتى جانە جوعارى ساناتتاعى شەتەلدە كوپ جىل جۇمىس جاساعان تاجىريبەلى ماماندار قىزمەت جاسايتىن بولادى. ءتىپتى وزىمدە ماسكەۋ، نوۆوسيبيرسكتە بولىپ ءبىلىمىم مەن تاجىريبەمدى جەتىلدىرىپ كەلدىم، – دەيدى ورتالىق باسشىسى، دارىگەر شەرزاد ازيزوۆ. ول دارىگەرلىك قىزمەتتە 15 جىلدىق تاجىريبەسى بار كارديولوگ.
اتالمىش كارديولوگيالىق ورتالىعى جۇرەك قان تامىرلارى اۋرۋىن باستاپقى كەزەڭدە انىقتاپ، كەرەك جاعدايدا كۇردەلى وپەراسيانىڭ دا الدىن الا الادى. سەبەبى، ورتالىققا جۇرەك جۇمىسىن باقىلايتىن حولتەر اپپاراتى، جۇرەك قان تامىرلارى جۇمىسىنداعى اۋىتقۋشىلىقتاردى تەكسەرەتىن سوڭعى ۇلگىدەگى قۇرىلعىلار جەتكىلىكتى. ەندى، قۇنى 30 ميلليون دوللارعا باعالانعان بۇل كەشەندى ەمدەۋ قوندىرعىلارى جەرگىلىكتى تۇرعىنداردىڭ ساۋلىعىن تۇزەتۋگە قىزمەت ەتەتىن بولادى.
اشىلعانى جاقىندا بولسادا ەم الۋشىلار كەزەككە تۇرىپ، دارىگەر قابىلداۋىنا اسىعادى. مۇندا ەم الۋشىلارعا بارلىق جاعداي جاسالىنعان جانە سانيتارلىق تالاپتار قاتاڭ ساقتالعان.
