Kentaý qalasy ekonomıka bóliminiń habarlaǵynandaı «2017-2021 jyldarǵa arnalǵan Eńbek baǵdarlamasynyń» ekinshi baǵyty sheńberinde 2018 jyldyń basynan beri «Yrys» memlekettik baǵdarlamasy arqyly jalpy sommasy 73,4 mln.teńgeni quraıtyn 22 joba qarjylandyrylǵan.
Atap aıtar bolsaq avto jóndeý, júk tasymaldaý, dúken jabdyqtaryn satyp alý, jylqy, sıyr basyn kóbeıtý synda bolashaǵy bar jobalar qarjylandyrylǵan.
Al «Eńbek» baǵdarlamasynyń aıasynda 100 AEK shamasynda qaıtarymsyz grantqa 6 joba usynylyp, 4 joba (tigin qural-jabdyǵy; at ábzelderin ázirleýge qajetti qural-jabdyq; taýyq sanyn ulǵaıtý; úndik sanyn ulǵaıtý) maquldanypty.
Budan bólek atalǵan baǵdarlama aıasynda «Bastaý-bıznes» jobasy arqyly 24 adam sertıfıkat alyp, onyń 8 qatysýshysy «Yrys» MQU (2 joba) jáne «Aýylsharýashylyq qarjylaı qoldaý qory» AQ (6 joba) arqyly nesıe aldy.
«Bıznestiń jol kartasy-2020» baǵdarlamasy aıasynda bir joba 3 mln.teńgeni quraıtyn grant aldy.
Agrarlyq kredıttik kompanıa jáne aýyl sharýashylyq qarjylaı qoldaý qory arqyly 64,850 mln.teńgeni quraıtyn 15 joba jáne «Iassy-nesıe» nesıelik seriktestigi arqyly 787,581 mln.teńgege aýyl sharýashylyǵy, mal sharýashylyǵynyń salasyndaǵy jobalar qarjylandyryldy.
