Qazaqstan Respýblikasy Prezidenti N.Á.Nazarbaevtyń 2017 jylǵy 12 sáýirdegi «Bolashaqqa baǵdar: rýhani jańǵyrý» maqalasynyń negizgi baǵyttaryn túsindirý maqsatynda 2018 jylǵa arnalǵan «Týǵan jer» jáne «Qoǵamdyq sanany jańǵyrtý» baǵdarlamasyn iske asyrý jónindegi is-sharalar jospary bekitilip, josparǵa sáikes aǵymdaǵy jyldyń 10 aiynda 378 is-shara ótkizildi.
«Qazaqstannyń kieli jerleri» arnaiy jobasy aiasynda «Ońtústik Qazaqstan oblysy kieli jerleriniń geografiiasy» taqyrybynda 500 oqýshyǵa oblys aýmaǵyndaǵy kieli jerlerge ekskýrsiia uiymdastyryldy.Qalanyń ardagerlerioblys aýmaǵyndaǵy Báidibek, Sozaq aýdandaryndaǵy kieli oryndardy demeýshiler tarapynan aralap qaitty.
«Qazirgi zamanǵy qazaqstandyq mádeniet jahandyq álemde» arnaiy jobasy aiasynda 28-30 sáýir aralyǵynda «Ulttyq qundylyqtar - tárbieniń túp azyǵy» taqyrybynda óner festivali jáne «Mádeni qyzmet - mereili mindet» taqyrybynda gala-kontsert uiymdastyryldy.
«Qazaqstannyń 100 jańa esimi» arnaiy jobasynyń jeńimpazdary Ǵalymjan Áleýhanov pen Edýarda Velktiń jastarmen kezdesýi uiymdastyryldy. Jastar resýrstyq ortalyǵy ǵimaratynda arnaiy burysh ashyldy.
Sonymen qatar, «Taza aýla», «Úlgili úi», «Taza kóshe», «Taza aýyl» nominatsiialarynyń jeńimpazdary marapattaldy. M.Áýezov atyndaǵy Ońtústik Qazaqstan memlekettik ýniversiteti jáne Qoja Ahmet Iassaýi atyndaǵy Halyqaralyq qazaq-túrik ýniversitetiniń ǵalymdarynyń qatysýymen «Hantaǵy murasy urpaqqa amanat» ǵylymi-teoriialyq konferentsiiasy ótti.
