Qala ákimi Dáýren Mahajanov aimaqtaǵy júzege asyrylǵan jáne asyrylýdaǵy investitsiialyq jobalar men infraqurylym júieleriniń máselelerimen tanystyrdy.
Indýstrialdy aimaqtyń negizgi maqsaty – jańa jumys oryndaryn ashý, óndiris kólemin arttyrý jáne ekonomikany damytý. Kentaý qalasyndaǵy indýstriialdy aimaqtyń jalpy aýdany 25 gektardy quraidy. 10,65 gektaryna 9 jobany iske asyrý josparlanyp otyr. 4,3 gektar aýmaqta injenerlik infraqurylym ornalasqan.
Búgingi tańda Indýstriialyq aimaqta Indýstrialandyrý kartasyna engizilgen 3 joba tolyq iske asyrylǵan. Olar:
- «IýgElektroPrivod» JShS, joba – Toq jáne kerneý ajyratqyshtaryn, aiyrǵyshtaryn, ólshegish transformatorlaryn shyǵarý, jer kólemi – 2 ga, joba quny – 828 mln. tg.,
- «Elektrodetal» JShS, joba – «35-110-220kV transformatorlar úshin metallqurylymdar jasaityn jáne elektrooqshaýlar bólshekterin shyǵaratyn tseh», jer kólemi – 1,6 ga, joba quny – 816 mln. tg.,
- Jeke kásipker E.Aýezov «Ottegi shyǵarýdy uiymdastyrý» jobasy, joba quny 45 mln. teńge. Jer kólemi 0,25 ga. Jyldyq qýattylyǵy 25 myń dana ottegi ballonyn toltyrý kózdelgen. Tseh qurylysy tolyǵymen aiaqtalǵan. Joba 2019 jyly tolyǵymen iske qosylyp, 10 adam jumyspen qamtylǵan.
Túrkistan oblysy ákiminiń baspasóz qyzmeti
