Kentaý indýstriialyq aimaǵynda 2 joba tolyǵymen júzege asyryldy
Atalmysh aimaqty elektr qýatymen qamtamasyz etip, sý qubyrlaryn júrgizý isi birshama jolǵa qoiyldy. Káriz júiesi men bailanys ornatý máselesi de sheshimin tapqan.
Búgingi tańda Kentaý qalasyndaǵy indýstriialyq aimaǵynda 5 jobany iske asyrý josparlanyp, qazirgi kúni 2 joba tolyǵymen júzege asyrylǵan eken.
Atap aitqanda bular Kentaý qalasy boiynsha 2015-2019 jyldary óńirler kásipkerligin qoldaý kartasy boiynsha ashylǵan «IýgElektroPrivod» JShS jáne «Elektrodetal» JShS-y.
Sondai-aq, indýstriialdy aimaqqa ornalasyp, aldaǵy jyly iske qosylýy kútilip otyrǵan jobalar da bar.
Atap aitqanda:
Jeke kásipker E.Aýezov «Ottegi shyǵarýdy uiymdastyrý» jobasy, joba quny 45,0 mln,teńge. Jyldyq qýattylyǵy 25 myń dana ottegi ballonyn toltyrý kózdelýde. Tseh qurylysy tolyǵymen aiaqtalǵan. Joba tolyǵymen iske asqanda 10 adam jumyspen qamtylatyn bolady. Búginde jer telimin alý boiynsha qujattary jinaqtalýda.
«EHT» JShS «Gipohlorid óndirý tseh» jobasy, joba quny 56,0 mln.teńge. Jyldyq qýattylyǵy 5 myń tonna gipohlorid shyǵarý. Ashylatyn jumys oryn sany 12 adam. Óńirlik úilestirý keńesiniń qorytyndysy alyp, túpkilikti sheshim qabyldaý úshin tiisti qujattary ázirlenýde.
Jeke kásipkerM.Ermetov «Limonad shyǵarý tsehi» jobasy, jobanyń boljamdyq quny 50,0 mln.teńge. Joba boiynsha tiisti qujattar jinaqtalyp, óńirlik úilestirý keńesiniń qaraýynda.
Aita ketelik búginge deiin Túrkistan men Sozaq aýdanynda quny 1,33 mlrd. teńgeni quraityn indýstrialdy aimaq jumysyn bastap ketti. Oblystyń birneshe aýdanynda da osy sekildi joba qolǵa alynbaq. Bul úshin 1053 ga jer telimi bólingen.
